බස්නාහිර, සබරගමුව පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් අද (27) දිනය තුළ වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව විසින් නිකුත් කළ නිවේදනයේ සඳහන් වනවා.
එමෙන්ම වයඹ සහ උතුරු පළාත්වලට ද සුළු වශයෙන් වැසි තත්වයක් ඇතිවිය හැකි බව ඔවුන් පවසනවා.
ඊට අමතරව ඌව පළාතට මෙන්ම අම්පාර සහ මඩකලපුව දිස්ත්‍රික්කවලට ද අද පස්වරු 02.00න් පසුව වැසි හෝ ගිගුරුම් සහිත වැසි බලාපොරොත්තුවන එම නිවේදනයේ සඳහන්.
මධ්‍යම කඳුකරයේ බටහිර බෑවුම් ප්‍රදේශවලටත් උතුරු, උතුරු මැද, වයඹ පළාත්වලත් ත්‍රිකුණාමලය සහ හම්බන්තොට යන දිස්ත්‍රික්ක සඳහා පැයට කිලෝ මීටර් 30ත් 40ත් අතර වේගයකින් සුළං හමන බවට කාලගුණ විද්‍යා දෙපාර්තමේන්තුව අනාවැකි පළ කරනවා.
