විදුලි බිල නොගෙවීම හේතුවෙන් විදුලිය විසන්ධි කරනු ලැබූ බදුල්ල හිඳගොඩ ප්රදේශයේ විහාරස්ථානයකට යළිත් විදුලි සැපයුම ලබාදීමට රාජ්ය ඇමති චාමර සම්පත් කටයුතු කර තිබෙනවා.
ඒ අදාළ විහාරස්ථානයේ විදුලි විසන්ධි කිරිම සම්බන්ධයෙන් දසත ලංකා ප්රවෘත්ති කළ අනාවරණයෙන් අනතුරුවයි.
විදුලිය විසන්ධි කිරීමට ලක්වූ විහාරස්ථානයේ විදුලිබිලෙන් රුපියල් 70000ක් රාජ්ය ඇමති චාමර සම්පත් දසනායකගේ පෞද්ගලික මුදලින් ගෙවා ඇති අතර අනතුරුව විදුලිය යළි ලබාදීමටයි මණ්ඩලය පියවර ගෙන ඇත්තේ.
වෙසක් පොහොය පසු වන තෙක් විදුලිය විසන්ධි නොකරැන්නයි ඉල්ලා සිටිය ද ඉහළින් ලැබුණු නියෝගයක් හේතුවෙන් ඊට අනුකුලව කටයුතු කිරීමට සිදුවන බව නිලධාරීන් ප්රකාශ කර තිබුණා.
මෙම විහාරස්ථානයේ විදුලි බිල රුපියල් 90000කට ආසන්න වී ඇති අතර එය ගෙවීමට ප්රමාද වීම හේතුවෙන් මෙලෙස විසන්ධි කිරීම සිදු කර ඇති බව අප වාර්තාකරු සඳහන් කළා.
මෙම සිද්ධිය පිළිබඳ දසත ලංකා පුවත් කළ අනාවරණයෙන් පසු රාජ්ය අමාත්ය චාමර සම්පත් දසනායක නායක හිමියන් සමග සාකච්ඡා කර ගෙවීමට තිබුණු රුපියල් අනූ දහසකට අසන්න මුදලින් රුපියල් හැත්තෑ දහසක් ගෙවා විහාරස්ථානයට විදුලිය ලබාදීමට කටයුතු කළා.
