පන්නිපිටිය ප්‍රදේශයේ දී පොලිස් රථ වාහන අංශයේ නිලධාරියෙකු ලොරි රථ රියැදුරෙකුට පහර දෙන අයුරු දැක්වෙන වීඩියෝවක් අද සවස සමාජ මාධ්‍ය තුල සංසරණය වුණා.
මහරගම පොලිසියට අනියුක්ත රථවාහන අංශයේ ස්ථානාධිපතිවරයාව මෙලෙස පහර කෑමට ලක්වූ ලොරි රථ රියැදුරා විසින් ධාවනය කරන ලද රථය අනතුරට ලක් කිරීම පහර දීමට හේතුව වූ බවයි පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ සඳහන් කළේ.
මෙම ලොරි රථයේ අදාළ පොලිස් නිලධාරියා ගැටෙන අයුරු ඒ අසල පිහිටි වාහනයක සවිකර තිබු ආරක්‍ෂිත කැමරාවක මෙලෙස සටහන්ව තිබුණා..
Update – 30/03/2021 6.30 am – ලොරි රථ රියදුරෙකුට පහරදුන් පොලිස් කොස්තාපල් අත්අඩංගුවට
සමාජ මාධ්‍යයේ සඳහන්වූ, පන්නිපිටිය ප්‍රදේශයේදී ලොරි රථ රියදුරෙකුට පහරදුන් සිද්ධියට සම්බන්ධ පොලිස් කොස්තාපල්වරයා අත්අඩංගුවට ගෙන ඇති බව පොලිස් මාධ්‍ය ප්‍රකාශකවරයා සඳහන් කරනවා.
පෙර පුවත – පොලිස් නිලධාරියෙකු මහමගදී රියදුරෙක්ට පහර දී පොලොවේ ගසා ඇග උඩටත් පනී
