උතුරු, උතුරු මැද සහ නැගෙනහිර පළාත්වල විටින් විට වැසි ඇතිවන බව කාලගුණ විද්යා දෙපාර්තමේන්තුව පවසයි.
මේ අතර මෙම ප්රදේශවල ඇතැම්විට මිලිමීටර් 100 ඉක්මවූ තද වැසි ඇතිවිය හැකි බවද එම නිවේදනයේ සඳහන් වෙයි.
එම නිවේදනයේ වැඩිදුරටත් සඳහන් වන්නේ දකුණු, මධ්යම සහ ඌව පළාත්වලත් රත්නපුර දිස්ත්රික්කයේත් සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකි බවය.
මෙම ප්රදේශවල ඇතැම් ස්ථානවලට මිලිමීටර් 50ට වැඩි තරමක තද වැසි ඇතිවිය හැකි බවද එම නිවේදනයේ සඳහන් වෙයි.
දිවයිනේ නිරිත දිග වෙරළබඩ ප්රදේශවල උදෑසන කාලයේදී වැසි ස්වල්පයක් ඇතිවිය හැකිය.
උතුරු, උතුරු මැද, නැගෙනහිර, වයඹ සහ ඌව පළාත්වලත් මධ්යම කඳුකරයේ නැගෙනහිර බෑවුම් ප්රදේශවලත් හම්බන්තොට දිස්ත්රික්කයේත් සුළඟේ වේගය විටින් විට පැයට කිලෝමීටර් 40-50ත් දක්වා වැඩිවිය හැකිය.
