දිවයිනේ ප්රදේශ කිහිපයකට අදත් (01) හිරු මුදුන් වන බව කාලගුණ විද්යා දෙපාර්තමේන්තුව නිවේදනය කරනවා.
ඒ අනුව කල්පිටිය, තලාව, සිංහාරගම, ගල්කඩවල, නාච්චදූව, පඩිකාරවල, ගෝමරන්කල්ල සහ වෙරුගල් යන ප්රදේශවලට අද (01) දහවල් 12.10ට හිරු මුදුන්ව පවතින බවයි එම දෙපාර්තමේන්තුව පවසන්නේ.
දෘශ්ය ලෙස සූර්යා දකුණට ගමන් කිරීමේ දී, පසුගිය අගෝස්තු 28 වැනිදා සිට මෙම මස 07 වැනිදා දක්වා ශ්රී ලංකාව, අක්ෂාංශවලට ඉහළින් සෘජුවම පවතිනවා.
මේ අතර, බස්නාහිර සහ සබරගමුව පළාත්වලත්, ගාල්ල, මාතර, මහනුවර සහ නුවරඑළිය දිස්ත්රික්කවලත් වැසි වාර කිහිපයක් ඇතිවිය හැකි බවයි කාලගුණ විද්යා දෙපාර්තමේන්තුව පවසන්නේ.
එමෙන්ම ඌව පළාතෙත්, අම්පාර, මඩකලපුව සහ හම්බන්තොට දිස්ත්රික්කවලත් ස්ථාන කිහිපයක අද (01) පස්වරු 2.00න් පසුව වැසි හෝ ගිඟුරුම් සහිත වැසි ඇතිවිය හැකියි.
දිවයිනේ සෙසු ප්රදේශවල පවතින්නේ වියළි කාලගුණික තත්ත්වයක්.
මධ්යම කඳුකරයේ බටහිර බෑවුම් ප්රදේශවලත්, උතුරු මැද සහ වයඹ පළාත්වලත්, ත්රිකුණාමලය, හම්බන්තොට, මාතලේ දිස්ත්රික්කවලත් විටින් විට හමන පැයට කිලෝමීටර් 30-40ක පමණ තරමක තද සුළං ඇතිවිය හැකියි.
ගිඟුරුම් සහිත වැසි සමඟ ඇතිවිය හැකි තාවකාලික තද සුළංවලින් සහ අකුණු මඟින් ඇතිවිය හැකි අනතුරු වළක්වා ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටිනවා.
