අබිරහස් ලෙස මියගිය දිනේෂ් ෂාෆ්ටර් මහතා වෙනුවෙන් රක්ෂණ මුදල් ගෙවීම සතියක කාලයක් දක්වා අත්හිටුවන ලෙස කොළඹ අතිරේක මහේස්ත්රාත් රජින්ද්රා රාජසූරිය අදාළ රක්ෂණ සමාගම්වල බලධාරීන්ට නියෝග කර තිබෙනවා.
ෆෙයා ෆස්ට් හා ජනශක්ති රක්ෂණ සමාගම්වල බලධාරීන්ටයි අධිකරණය මෙම නියෝගය සිදු කර ඇත්තේ.
ෂාෆ්ටර් මහතාගේ මරණය අපරාධයක් බවට තහවුරු වී ඇති බැවින් ඒ පිළිබඳව සිදු කෙරෙන විමර්ශන කටයුතු සඳහා සහය දැක්වීමක් ලෙස සතියක කාලයක් යනතෙක් අදාළ රක්ෂණ වන්දි මුදල් ගෙවීම අත්හිටුවීමට එම රක්ෂණ සමාගම්වල බලධාරීන්ට නියෝගයක් නිකුත් කරන ලෙස ඉල්ලා මනුෂ්ය ඝාතන හා සංවිධානාත්මක අපරාධ කොට්ඨාශය අධිකරණයෙන් කරන ලද ඉල්ලීමක් සලකා බලමින් මහේස්ත්රාත්වරිය මෙම නියෝගය නිකුත් කර තිබෙනවා.
බොරැල්ල පොදු සුසාන භූමිය අසලදී සිදුවූ අබිරහස් සිද්ධියක් හේතුවෙන් කොළඹ ජාතික රෝහලට ඇතුළත් කළ ෂාෆ්ටර් මහතා පසුගිය 2022 වසරේ දෙසැම්බර් මස 16 දින මියගොස් තිබුණා.
මෙම අභිරහස් මරණය සම්බන්ධයෙන් එම පවුලේ ඥාතීන් බොරැල්ල පොලිසියට හා අපරාධ පරීක්ෂණ දෙපාර්තමේන්තුවට කරන ලද පැමිණිල්ලක් අනුවයි මෙම මරණය පිළිබඳව සොයා බැලීම සඳහා කොළඹ අතිරේක මහේස්ත්රාත් රජින්ද්රා ජයසූරිය විසින් පංච පුද්ගල විද්වත් වෛද්ය කමිටුවක් ද පත් කරනු ලැබුවේ.
ෂාෆ්ටර් මහතාගේ මරණය ඝාතනයක් බවට සැක කළ හැකි බව එම විද්වත් වෛද්ය කමිටුව පසුගියදා අධිකරණයට දැන්වීම හේතුවෙන් මෙම සිද්ධියට අදාළ සැකකරුවන් වහාම අත්අඩංගුවට ගෙන අධිකරණයට ඉදිරිපත් කරන ලෙස ද මහෙස්ත්රාත්වරිය අපරාධ පරීක්ෂණ දෙපාර්තමේන්තුවට නියෝග කර තිබෙනවා.
අධිකරණයේ නියෝග අනුව නැවත ගොඩගෙන කරාපිටිය රෝහලේ තැන්පත් කර තිබූ ෂාෆ්ටර් මහතාගේ දේහය පසුගිය 4 වනදා ජාවත්ත පොදු සුසාන භූමියේදී මිහිදන් කෙරුණා.
OKATA WIDHWATH KAMITU MA GENNA ONADA. ATHDEKA SEAT EKA PITIPASSATA KARALA BANDHALA THIBUNALA, BELLA WIRE EKAKAIN HIRA KARALA THIUNA LU. EKE ANITH KELLA GEDARA THIBUNA LU. EKA NISALU SUICIDE KIYALA ISSELAMA THEENDU KALEYI. CYNIDE KALA THIBUNA LU. ANGA PURA THUWALA PAHARA DEEM SALAKUNU THIBUNA LU. PRA BADALA THIBUNA LU. DENNEKUTA SAHEMA KEMA GATHTHALU. KALA THIYENNE EYA WITHARALU. EHENAM EYA BELLE CABLE EKEN HIRA KARAGENA, ITA PASSE CYNAYD KALA ITA PASSE ATH DEKA PITI PASSA TA KARALA BANDHAGENA, OKKOTAMA KALIN EYA EYATAMA GAHANEA THUWALA WENAKAM ANGA PATHA SURAGENA. DAN MAN HITHANNE MASA 6 KATA WADHYI. THAMA EYI MANUSSAYATA SAMADANEN MAHA POLOWE SETHAPENNA BAHE.