තේ අපනයන ආදායමේ කැපී පෙනෙන අඩුවක්

මෙම වසරේ ගත වූ මාස අටක කාලය තුළදී තේ අපනයනයෙන් ඇමෙරිකානු ඩොලර් මිලියන 825ක ආදායමක් උපයාගෙන ඇති බව ශ්‍රී ලංකා තේ මණ්ඩලය පවසනවා.

කෙසේ වෙතත් එය පසුගිය වසරට සාපේක්ෂව අඩුවීමක් බවයි තේ මණ්ඩලය වැඩිදුරටත් සඳහන් කළේ.

ශ්‍රී ලංකා තේ මණ්ඩලය පැවසුවේ පසුගිය වසරේ මෙම කාලසීමාව තුළ තේ අපනයනයෙන් ඇමෙරිකානු ඩොලර් මිලියන 882ක් ආදායමක් උපයා තිබූ බවයි.

පොහොර හිඟය, ප්‍රවාහන දුෂ්කරතා ඇතුළු ගැටළු රැසක් පසුගිය වසරට සාපේක්ෂව මේ වසරේ තේ අපනයන ආදායම පහත වැටීමට හේතු වී තිබෙනවා.