බස්නාහිර පළාතේ පොලිස් වසම් 126ක පිහිටා ඇති ත්රීරෝද රථ සහ යතුරුපැදි අලුත්වැඩියා කරනු ලබන ගරාජ් සහ අනෙකුත් ස්ථාන ලේඛනගත කිරීම ආරම්භ කර තිබෙනවා.
පොලිසිය පැවසුවේ එම ස්ථාන 2863ක් මේ වනවිටත් හඳුනාගෙන ඇති බවයි.
බස්නාහිර පළාත තුළ සිදුවන ත්රීරෝද රථ සහ යතුරුපැදි සොරකම් අවම කිරීමේ අරමුණින් මෙම ක්රියාවලිය සිදුකරන බවයි පොලිසිය වැඩිදුරටත් සඳහන් කළේ.
ඒ, අනුව යතුරුපැදි සහ ත්රීරෝද රථ තම ගරාජ් හා අලුත්වැඩියා ස්ථාන වෙත යොමුකරනු ලබන පුද්ගලයින් පිළිබඳවත් ඔවුන් විසින් ඉල්ලීම් කරන අලුත්වැඩියාවන් සම්බන්ධවත් විමසිලිමත් වන ලෙසයි ගරාජ් හා අලුත්වැඩියා ස්ථාන හිමිකරුවන්ට දන්වා ඇත්තේ.
මෙම වැඩසටහන පසුගිය 03 දින සිට 07 වන දින දක්වා බස්නාහිර තුළ ක්රියාත්මක කෙරුණා.
