කෝට්ටේ මහ නගර සභාවේ නාගරික මන්ත්රී අරෝෂ් අතපත්තු, සමාජවාදී තරුණ සංගමයේ කැඳවුම්කරු එරංග ගුණසේකර යන දෙදෙනාට ඔවුන්ගේ සාමාජිකයන් සහ වෙනත් තැනැත්තන්ට කොළඹ ප්රධාන මහේස්ත්රාත් අධිකරණය විසින් ආඥාවක් නිකුත් කර තිබෙනවා.
ඒ ශ්රී ජයවර්ධනපුර කෝට්ටේ කොටා පාර, නාවල පාර, ඇතුල් කෝට්ටේ පාර ඔස්සේ සරණ පාර හා මැතිවරණ කාර්යාල ප්රවේශ මාර්ගය යන මාර්ගවල විරෝධතා පැවැත්වීම මගින් මහජනතාවට සිදුවන හානිය සළකා එම මාර්ගයන්හි ජනතාවට පීඩාවක් ඇතිවන ආකාරයට උද්ඝෝෂණ සිදු කිරීම වළක්වාලමිනුයි මෙම නියෝගය නිකුත් කර ඇත්තේ.
වැලිකඩ පොලිස් වසමේ මාර්ග කිහිපයක විරෝධතා පැවැත්වීමට සැලසුම් කරන බවට වැලිකඩ පොලිසියට ලැබුණු තොරතුර මත එය තහනම් කරන ලෙසට අධිකරණයෙන් කළ ඉල්ලීමකට අනුව මෙම නියෝගය ලබාදී තිබෙනවා.
