ආර්ථික වශයෙන් වැටී තිබූ රට නැවතත් සංවර්ධනය කරා ගෙන යමින් සිටින ජනාධිපති රනිල් වික්රමසිංහ මහතාට තවත් වසර කිහිපයක් රටේ නායකත්වය භාර දීම වඩාත් ඵලදායක වනු ඇති බව ආයෝජන ප්රවර්ධන රාජ්ය අමාත්ය දිළුම් අමුණුගම පවසනවා.
මහනුවරදී අද මාධ්ය හමුවේ අදහස් දක්වමින් ඔහු කියා සිටියේ මේ වසරේ පළමු මාස කිහිපය අවසන් වූ පසු ජනතාවට බලපෑම් එල්ල කර ඇති ආර්ථික පීඩනය අවසන් වනු ඇති බවයි.
මෙහිදී අදහස් දැක්වූ රාජ්ය අමාත්යවරයා,
වෙන අය මත ප්රකාශ කළත් ජනපති රනිල් වික්රමසිංහ මහතා තවමත් සෘජු ප්රකාශයක් කරලා නෑ එතුමා ජනාධිපතිවරණයට එනවා කියලා. එතුමා ඒ ප්රකාශය කළ පසුව එතුමාට සහය දෙනවාද නැද්ද කියලා අපි තීරණය කරනවා. අද මේ රටේ පාර්ලිමේන්තුවේ අය කැමරාවලට පේන්න කෑ ගහනවා මිසක කිසි කෙනෙකුගේ රට ගොඩ ගැනීමේ වැඩසටහනක් තියෙනවද. එහෙම තියෙනවා නම් ඉදිරිපත් කරන්න කියලා අපි කියනවා. චමින්ද විජේසිරි පාර්ලිමේන්තුවේ ඉන්න බෑ කියලා අස් උනාට අපි හරියටම දන්නේ නෑ එයාට මොකද වුනේ කියලා. අපි හිතන විදියට මේ යන විදියටම තව ටික කාලයක් රනිල් වික්රමසිංහ මහතාටම මේ විදියට රට කරගෙන යන්න ඉඩ දුන්නොත් රට ගොඩ යයි කියන විශ්වාසය අපිට තියෙනවා. දැන් අපේ රට නැගිටිමින් පවතිනවා. හැමදේටම කෑගහන්නේ නැතුව හොඳ දේට සහය දෙන්න කියලා අපි ඉල්ලනවා. අපේ ජනාධිපති අපේක්ෂකයා අකුරු තුනේ කෙනෙක් කියලා විවිධ අය මත ප්රකාශ කළා. දැන් ඉතින් ජනාධිපති අපේක්ෂකයෝ වැඩි දෙනෙක් අකුරු තුනේ අය නිසා අකුරු තුනේ අපේක්ෂකයා කවුද කියලා ළගදිම දැනගන්න පුළුවන් වේවි. ඒ සම්බන්ධයෙන් මේ වන විට සාකච්ඡා පැවැත්වෙනවා.
