තලෙයිමන්නාරම, ඌර්මානෙයි ප්රදේශයේ දී ඝාතනයට ලක් වූ වයස අවුරුදු 10ක දැරියගේ පශ්චාත් මරණ පරීක්ෂණය අද (17) යාපනය රෝහලේ දී සිදුකර තිබෙනවා.
එම පශ්චාත් මරණ පරීක්ෂණයේ දී අනාවරණ වී ඇත්තේ අදාළ දැරිය මියගොස් ඇත්තේ ගෙළ සිරකර ඝාතනය කිරීමෙන් බවයි.
එමෙන්ම ඇය දූෂණයට ලක් කර ඇති බවට ද එම පරීක්ෂණයේ දී අනාවරණය වී තිබෙනවා.
මෙම සිද්ධියට සම්බන්ධ සැකකරුවෙක් අත්අඩංගුවට ගත් අතර, ඔහුගෙන් පැය 48ක් රඳවාගෙන ප්රශ්න කිරීමට මන්නාරම මහේස්ත්රාත් අධිකරණයට පොලිසියට අවසර ලබාදෙනු ලැබුවා.
මෙලෙස සැකපිට අත්අඩංගුවට ගෙන ඇත්තේ දැරියගේ නිවස අසල පොල්වත්තක සේවය කළ ත්රිකුණාමලය – කුච්චවාවි ප්රදේශයේ පදිංචි 52 හැවිරිදි පුද්ගලයෙක්.
පසුගිය බ්රහස්පතින්දා පස්වරුවේ සිට දැරිය අතුරුදන්ව ඇති බවට පොලිසියට පැමිණිල්ලක් ලැබී තිබුණා.
,ඒ අනුව සිදුකළ මෙහෙයුම්වල දී ඊයේ (16) පෙරවරුවේ පොල්වත්තේ තිබී දැරියගේ මළ සිරුර සොයාගනු ලැබුවා.
