බගවන්තලාව බ්රිඩ්වෙල් වතුයාය ප්රදේශයේදී තරුණියකගේ ගෙළ බැඳි රන් මාලය කඩාගෙන පලා ගිය තරුණයන් දෙදෙනෙකු වතු කම්කරුවන් විසින් අල්ලා පොලිසියට භාරදී තිබෙනවා.
සැකකරුවන් සතුව තිබී හෙරොයින් මත්ද්රව්ය ද හමුවී ඇති බවයි අප වාර්තාකරු සඳහන් කළේ.
බ්රිඩ්වෙල් වතුයායේ සිට බගවන්තලාව නගරය වෙත ගමන් කරමින් සිටි තරුණියගේ ගෙළ බැඳි රන් මාලය කඩාගෙන පලා යමින් සිටියදීයි සැකකරුවන් දෙදෙනා වතු කම්කරුවන් විසින් අල්ලාගෙන ඇත්තේ.
හංවැල්ල ප්රදේශයේ පදිංචි සැකකරුවන් අවුරුදු 26 සහ 27 වයස්වල පසුවන දෙදෙනෙක්.
ඔවුන් දෙදෙනා යතුරුපැදියකින් බගවන්තලාව නගරයට පැමිණ බ්රිඩ්වෙල් වතුයාය වෙත ගමන් කරන අවස්ථාවේ නගරය වෙත පැමිණෙමින් සිටි තරුණියගේ ගෙල බැඳි රුපියල් ලක්ෂ 2ක් පමණ වටිනා මාලය කඩාගෙන යතුරුපැදියෙන් පලා ගොස් තිබෙනවා.
එම අවස්ථාවේ තරුණිය කෑගසා ඇති අතර එහිදී තේ වත්තේ වැඩ කරමින් සිටි වතු කම්කරුවන් එක් සැකකරුවෙකු අල්ලාගෙන ඇති බව සඳහන්.
අනෙක් සැකකරු පලාගොස් තේ වත්තේ සැඟව සිටියදී බගවන්තලාව පොලිසියේ නිලධාරින්ගේ ද සහය ඇතිව අල්ලාගෙන තිබෙනවා.
අත්අඩංගුවට ගත් සැකකරුවන් පරීක්ෂා කරන අවස්ථාවේ ඔවුන් සතුව තිබී හෙරොයින් පැකට් දෙකක් සහ ජංගම දුරකථනයක් හමුවී තිබෙනවා.
සැකකරුවන් දෙදෙනා මත්ද්රව්ය භාවිතයට තදින්ම ඇබ්බැහිවූවන් බවයි පොලිසිය කියා සිටියේ. සැකකරුවන් හෙට (11) හැටන් මහෙස්ත්රාත් අධිකරණයට ඉදිරිපත් කිරීමට නියමිතයි.
