විරෝධතාවක නිරතව සිටියදී විදේශ සේවා නියුක්ති කාර්යාංශයේ නිලධාරීන් විසින් සිය භාරයට ගත් නිශාන්ත ප්‍රියදර්ශන නොහොත් ඩුබායි සුද්දා නම් සැකකරු ඇප මත නිදහස් කර තිබෙනවා.
ඒ සැකකරු කඩුවෙල මහේස්ත්‍රාත් අධිකරණයට ඉදිරිපත් කිරීමෙන් අනතුරුවයි.
ඒ අනුව සැකකරු රුපියල් ලක්ෂය බැගින් වූ ශරීර ඇප දෙකක් මත මුදාහරින ලෙසටයි මහේස්ත්‍රාත්වරිය නියෝග කර ඇත්තේ.
බලපත්‍ර නොමැතිව විදෙස් රැකියා සඳහා පුද්ගලයන් යොමු කිරීමේ චෝදනා මත සැකකරු අද පෙරවරුවේ විදේශ සේවා නියුක්ති කාර්යාංශ නිලධාරීන් භාරයට ගනු ලැබුවා.
අනතුරුවයි ඔහු කඩුවෙල මහේස්ත්‍රාත් අධිකරණයට ඉදිරිපත් කරනු ලැබුවේ.
