ඩ්රෝන තාක්ෂණය උපයෝගී කරගෙන වගාවන් සඳහා දියර ඉසීම පිළිබඳ ගොවි ජනතාව දැනුවත් කිරීමේ වැඩසටහනක් අද අම්පාර සමන්තුරේ ප්රදේශයේ දී පැවැත්වුණා.
ඒ ගොවිජන සංවර්ධන කොමසාරිස් ජනරාල් A.H.M.L. අබේරත්නගේ ප්රධානත්වයෙන්.
මේ අවස්ථාවට අම්පාර ගොවිජන සංවර්ධන සහකාර කොමසාරිස් චාමිනී සෝමදාස ඇතුළු ගොවිජන සංවර්ධන නිලධාරීන් රැසක් මෙන්ම ගොවියන් විශාල පිරිසක් ද සහභාගී වී සිටියා.
මෙම ඩ්රෝන යන්ත්රය උපයෝගී කරගෙන දියර ලීටර් 40 ක පමණ ප්රමාණයක් පැයක වැනි කාලයක් තුළ අක්කර 60 ක පමණ භූමියක ඉසීම සිදු කළ හැකි අතර මෙම යන්ත්රය ම උපයෝගී කරගෙන බීජ කිලෝ 50 ක පමණ ප්රමාණයක් වැපිරීමේ කටයුතු පවා සිදුකළ හැකියි.
නව තාක්ෂණය ගොවි ජනතාව අතරට ගෙන ඒමේ අරමුණින් මෙම වැඩසටහන සංවිධානය කර තිබුණා.
