රාජ්ය ඇමතිනී ඩයනා ගමගේ මහත්මියගේ පුරවැසිභාවය හා විදේශ ගමන් බලපත්රය සම්බන්ධයෙන් සිදු කරනු ලබන විමර්ශනවලට අදාළව මේ දක්වා සටහන් කරගෙන තිබෙන සියලු ප්රකාශවල පිටපත් මේ මස 23 වනදා අධිකරණයට ඉදිරිපත් කරන ලෙස කොළඹ ප්රධාන මහේස්ත්රාත් ප්රසන්න අල්විස් මහතා අද අපරාධ පරීක්ෂණ දෙපාර්තමේන්තුවට නියෝග කළා.
මෙම නඩු කටයුතු සඳහා නීතිපතිවරයාගේ සහාය ලබා ගැනීමට තමන් තීරණය කරන බව සඳහන් කළ ප්රධාන මහේස්ත්රාත්වරයා කියා සිටියේ ඒ බව දන්වමින් නීතිපතිවරයා වෙත ලිපියක් යොමුකරන බවයි.
නීතිපතිවරයාගේ සහාය ලබා ගැනීම තුළින් මෙම නඩුවට සම්බන්ධ බොහෝ ගැටලු නිරාකරණය කිරීමට හැකි වනු ඇති බවත් මහේස්ත්රාත්වරයා විවෘත අධිකරණයේ පැවසුවා.
අනතුරුව පැමිණිල්ල ලබන 23 වනදා කැඳවීමට ද නියම වුණා.
