දේවගැති ජෙරොම් ප්රනාන්දු විසින් සිදු කල ආන්දෝලනාත්මක ප්රකාශය සම්බන්ධයෙන් අපරාධ පරීක්ෂණ දෙපාර්තමේන්තුව විසින් පරීක්ෂණයක් ආරම්භ කර තිබෙන බව නීතිපතිවරයා අද ශ්රේෂ්ඨාධිකරණයට දැනුම් දුන්නා.
දේවගැති ජෙරොම් ප්රනාන්දු අත්අඩංගුවට ගෙන නීතිය ක්රියාත්මක කරන ලෙස ඉල්ලා ඇල්ලේ ගුණවංශ හිමියන් ඇතුළු පිරිසක් විසින් ගොනු කර තිබෙන මූලික අයිතිවාසිකම් පෙත්සමක් අද කැඳවූ අවස්ථාවේදී යි නීතිපතිවරයා වෙනුවෙන් පෙනී සිටි අතිරේක සොලිසිටර් ජෙනරාල් ප්රියන්ත නාවාන මහතා මෙම දැනුම්දීම සිදු කළේ.
අදාළ දේවගැතිවරයාට එරෙහිව සිවිල් හා දේශපාලන අයිතිවාසිකම් පිළිබඳ සම්මුති පනත සහ දණ්ඩ නීති සංග්රහය යටතේ අපරාධ පරීක්ෂණ දෙපාර්තමේන්තුව විසින් පරීක්ෂණ ආරම්භ කර තිබෙන බවත් ඒ පිළිබඳව කොළඹ කොටුව මහේස්ත්රාත් අධිකරණයට කරුණු වාර්තා කර තිබෙන බවත් අතිරේක සොලිස්ටර් ජනරාල්වරයා අධිකරණයට දැනුම් දුන්නා.
මෙම පෙත්සමේ එහි වගඋත්තරකරුවන් ලෙස මහජන ආරක්ෂක අමාත්යවරයා, පොලිස්පතිවරයා, අපරාධ පරීක්ෂණ දෙපාර්තමේන්තුව භාර නියෝජ්ය පොලිස්පති ඇතුළු පිරිසක් නම් කර තිබෙනවා.
