ගෝඨාභය රාජපක්ෂ හිටපු ජනාධිපතිවරයාගේ නිල ධජය ඇඳ ඇතිරිල්ලට යොදා සමාජ මාධ්ය ඔස්සේ වීඩියෝවක් පළ කළ පුද්ගලයා පොලිසියට භාර වී තිබෙනවා.
අදාල පුද්ගලයා නීතිඥයෙකු මාර්ගයෙන් අද (29) උදෑසන වේල්ලවීදිය පොලිසියට පැමිණ භාර වීමෙන් අනතුරුව අත්අඩංගුවට ගෙන ඇති බවයි වාර්තා වුණේ.
පසුගිය 09 වනදා අරගලකරුවන් කොළඹ කොටුව ජනාධිපති මන්දිරයට ඇතුළු වූ අවස්ථාවේ මෙම පුද්ගලයා ද ඊට ඇතුළු වී එම ධජය සොරකම් කරගෙන ගොස් ඇති බවයි අනාවරණය වී ඇත්තේ.
පසුව එය ඇඳ ඇතිරිල්ලට යොදා ගනිමින් එය වීඩියෝ ගතකර සමාජ මාධ්යට ද මුදාහැර තිබුණා.
උදේනි කළුතන්ත්රී නම් මෙම සැකකරු වරාය ආරක්ෂක නිලධාරියෙකු ලෙස සේවය කරන අයෙක්.
මොහු සමගි ජන බලවේගය වරාය වෘත්තීය සමිතියේ හිටපු සභාපතිවරයා ද වනවා.
සැකකරුගෙන මේ වනවිට දීර්ඝව ප්රශ්න කරන අතර ඔහු සම්බන්ධයෙන් ඉදිරියේ දී නීතිමය ක්රියාමාර්ග ගැනීමට නියමිතයි.
