චීන පොහොර නැව සම්බන්ධව ගැටළුවේ දී දෙරට මිත්රත්වය පළුදු නොවන ආකාරයට කටයුතු කිරීම සඳහා ක්රියාවලියක් සැකසීමට විදේශ කටයුතු අමාත්යංශයට භාරදීමට තීරණය කර තිබෙනවා.
කෘෂිකර්ම වනජීවී සහ වන සංරක්ෂණ අමාත්ය මහින්ද අමරවීර සඳහන් කළේ, අදාල පොහොර නැව සම්බන්ධයෙන් කාරණයේ දී ජනාධිපති රනිල් වික්රමසිංහගේ ස්ථාවරය වන්නේ දෙරට අතර ඇති මිත්ර සබඳතා පළුදු නොවන ආකාරයට ගැටළුව විසඳා ගැනීම බවයි.
කාබනික පොහොර ගනුදෙනුව අදාළව ඇතිකරගත් සමථය ප්රකාරව කටයුතු නොකිරීම හේතුවෙන් චීනයේ ‘කින්ඩාඕ සීවින් බයෝටෙක්’ සමාගම ශ්රී ලංකාව තුළ අසාදු ලේඛනගත කරන ලෙස විගණකාධිපතිවරයා රජයට නිර්දේශ ලබාදී තිබුණා.
මේ සම්බන්ධයෙන් විදේශ කටයුතු අමාත්යාංශය සහ ශ්රී ලංකාවේ චීන තානාපතිවරයා සමඟ තවදුරටත් සාකච්ඡා කිරීමට සූදානම් බවයි කෘෂිකර්ම අමාත්යවරයා වැඩිදුරටත් සඳහන් කළේ.
මෙම පොහොර නැව සම්බන්ධ ගැටළුවේ දී අවසානයේ ඩොලර් මිලියන 6.9ක වන්දියක් අදාළ පොහොර සමාගමට ගෙවීමට මෙරට රජයට සිදුවුණා.
