චමින්ද විජේසිරිගෙන් හිස්වූ අසුනට නයන වාසලතිලක පත්වෙයි

සමගි ජන බලවේගයේ පාර්ලිමේන්තු මන්ත්‍රී චමින්ද විජේසිරි මහතාගේ ඉල්ලා අස්වීම හේතුවෙන් පුරප්පාඩු වූ අසුනට නයන වාසලතිලක මහතා පත්කර තිබෙනවා.

ඔහුගේ පත් කිරීම සම්බන්ධයෙන් මැතිවරණ කොමිසම විශේෂ ගැසට් නිවේදනයක් මගිනුයි ප්‍රකාශයට පත්කර ඇත්තේ.

පෙරේදා 9 පාර්ලිමේන්තුවේදී විශේෂ ප්‍රකාශයක් සිදු කිරීමෙන් අනතුරුව චමින්ද විජේසිරි මහතා ඉල්ලා අස්වුණා.

ඔහු සිය ඉල්ලා අස්වීමේ ලිපිය පාර්ලිමේන්තු මහලේකම්වරිය වෙත යොමු කළ අතර ඒ අනුව මහලේකම්වරිය විසින් මෙම පුරප්පාඩුව පිළිබඳ මැතිවරණ කොමිසමට ලිපියක් මගින් දැනුම්දෙනු ලැබුවා.