පසුගිය අප්රේල් 22 වනදා කුලියාපිටිය, ඉලුක්හේන ප්රදේශයේ පදිංචිව සිටි සිඋසිත් ජයවංශ නැමැති තරුණයා පැහැරගෙන ගොස් ඝාතනය කිරීමේ සිද්ධියට අදාළව එම තරුණයාගේ පෙම්වතිය යැයි කියනු ලබන තරුණියව අත්අඩංගුවට ගෙන තිබෙනවා.
අදාළ තරුණියට කුලියාපිටිය පොලිසිය වෙත ඊයේ (12) දිනයේ කැඳවා සිදුකරන ලද ප්රශ්න කිරීම්වලින් පසුව මෙලෙස අත්අඩංගුවට ගෙන ඇති බවයි වාර්තා වුණේ.
මනුෂ්ය ඝාතනයට ආධාර අනුබලදීම, මනුෂ්ය ඝාතනය සිදුකර අපරාධය වසන් කිරීම යන චෝදනා යටතේ 18 හැවිරිදි අදාළ තරුණිය අත්අඩංගුවට ගත් බවයි පොලිසිය සඳහන් කළේ.
සැකකාර තරුණිය සුසිත් ජයවංශ නැමැති තරුණයා අතින් ගැබ් ගෙන ඇති බවත් පසුව ඔහුගේ මැදිහත් වීමෙන් දරු ගැබ ගබ්සා කර ඇති බවත් පොලිසියට කරුණු අනාවරණ වී තිබෙනවා.
කෙසේ වෙතත් මේ සම්බන්ධයෙන් අවසන් නිගමනයකට එළැඹිය හැකි වන්නේ සැකකාර තරුණිය වෛද්ය පරීක්ෂණයකට යොමු කිරීමෙන් අනතුරුව බවයි පොලිසිය පවසන්නේ.
ඝාතනයට ලක් වූ 31 හැවිරිදි සුසිත් ජයවංශ නැමැති තරුණයාගේ මළ සිරුර පසුගිය 07 වනදා මාදම්පේ, පනිරෙන්ඩාව රක්ෂිතයේ තිබී පොලිසිය විසින් සොයා ගත්තේ ඔහු අතුරුදන් වී දින 15 කට පසුවයි.
මේ අතර මෙම සිද්ධියට අදාළව මේ වනවිට සැකකරුවන් 09 දෙනෙක් අත්අඩංගුවට ගෙන ඇති බවයි කුලියාපිටිය පොලිසිය සඳහන් කළේ.
ඊයේ අත්අඩංගුවට ගැනුණු සැකකාර පෙම්වතිය අද (13) දිනයේ කුලියාපිටිය මහෙස්ත්රාත් අධිකරණය හමුවට ඉදිරිපත් කිරීමට නියමිත බව එම පොලිසියේ උසස් නිලධාරියෙක් අප සමඟ පැවසුවා.
