ඉකුත් පැය කිහිපයේ පැවති අධික වර්ෂාපතනයත් සමඟ ගිං ගඟේ ජල මට්ටම ඉහළ යාම හේතුවෙන් ප්‍රාදේශීය ලේකම් කොට්ඨාස කිහිපයක පහත් බිම් ප්‍රදේශ සඳහා ඉදිරි පැය 24 තුළ සුළු ගංවතුර අවදානමක් නිවේදනය කර තිබෙනවා.
වාරිමාර්ග දෙපාර්තමේන්තුව පවසන්නේ, තවලම, නාගොඩ, බද්දේගම, වැලිවිටිය – දිවිතුර යන ප්‍රාදේශීය ලේකම් කොට්ඨාසවල පහත් බිම්වල ජීවත්වන ජනතාව මේ පිළිබඳව අවධානයෙන් පසුවන ලෙසයි.]
මේ අතර, නිල්වලා ගංඟ ද්‍රෝණිය තුළ නඩත්තු කරනු ලබන ගංඟා ජල මාපකවල ද ජල මට්ටම් විශ්ලේෂණය අනුව ඉදිරි පැය 24 තුළ පස්ගොඩ, කොටපොල, පිටබැද්දර, අකුරැස්ස, අතුරලිය, මාලිම්බඩ්, කඹුරුපිටිය සහ තිහගොඩ ප්‍රාදේශීය ලේකම් කොට්ඨාශවල නිල්වලා ගඟ පිටාර තැන්නට අයත් පහත් බිම් ප්‍රදේශවලට සුළු ගංවතුර තත්ත්වයක් ඇතිවිය හැකි බවට අනතුරු ඇඟවීම් නිකුත් කර තිබෙනවා.
