කොවිඞ් 19 වසංගතයේ සීඝ‍්‍ර ව්‍යාප්තිය හේතුවෙන් අමෙරිකාවේ කැලිෆෝර්නියා ප‍්‍රාන්තයේ විශාල ප‍්‍රදේශයකට ඊයේ මධ්‍යම රාති‍්‍රයේ සිට කි‍්‍රයාත්මක වන පරිදි නව අගුලූදැමීමක් පනවා තිබෙනවා. කැලිෆෝර්නියාවේ සෞඛ්‍ය අංශ පවසන්නේ, නව්‍ය කොරෝනා වෛරසය ආසාදිත රෝගීන් වැඩි වීමත් සමග රෝහල්වල දැඩි සත්කාර ඒකකයන්හි ධාරිතාව අවම වීම හේතුවෙන් එලෙස අගුලූදැමීමකට යාමට සිදුවූ බවයි.
ඒ අනුව කැලිෆෝර්නියාවේ වෙසෙන මිලියන 40 ක පමණ ජනතාවගෙන් හරි අඩකට වැඩි පිරිසක් මේ වනවිට නිවෙස් තුළ රැඳී සිටීමේ නියෝගයට යටත්ව සිටිනවා. තම නිවසින් පිටත කිසිවෙකුත් මුණ ගැසීම ඔවුන්ට තහනම් වන අතර, අගුලූදැමීම කි‍්‍රයාත්මක වන කාල සීමාව තුළ බොහෝ ව්‍යාපාර වසා දැමීමට ද නියමිත බවයි විදෙස් මාධ්‍ය වාර්තා කළේ.
