පසුගිය 06 වනදා ගම්පහ, කෙහෙල්බද්දර ප්රදේශයේ කොණ්ඩා කපන ස්ථානයකදී වෙඩිතබා පුද්ගලයෙකු ඝාතනය කිරීමේ සිද්ධිය සම්බන්ධයෙන් පස්දෙනෙකු අත්අඩංගුවට ගෙන තිබෙනවා.
අත්අඩංගුවට ගැනුණු පිරිස අතර කාන්තාවක් ද සිටින බවයි පොලිසිය පැවසුවේ.
පොලිස් විශේෂ කාර්ය බළකා ගෝනහේන කඳවුරේ නිලධාරින් සිදුකළ මෙහෙයුමකදී සැකකරුවන් අත්අඩංගුවට ගත් බවයි පොලීසිය සඳහන් කළේ.
මෙලෙස අත්අඩංගුවට ගෙන ඇත්තේ පෙතියාගොඩ, මාකේවිට සහ කොටුගොඩ යන ප්රදේශවල පදිංචිකරුවන් බවයි වාර්තා වුණේ.
ඔවුන් අවුරුදු 23ත් 39ත් අතර වයස්වල පසුවන්නන් වන අතර ඝාතනය සිදුකිරීමට භාවිත කළ රිවෝල්වරය සහ සැකකරුවන් භාවිත කළ මෝටර් රථය ද පොලිස් භාරයට ගෙන තිබෙනවා.
අත්අඩංගුවට ගත් සැකකරුවන් සහ සැකකාරිය අද (27) ගම්පහ මහෙස්ත්රාත් අධිකරණයට ඉදිරිපත් කිරීමට නියමිතයි.
පසුගිය 06 වනදා සිදු වූ මෙම වෙඩි තැබීමෙන් වයස අවුරුදු විසි දෙකක් වූ තරුණයෙකු ඝාතනයට ලක්වුණා.
