තෙල් මිල ඉහළ දමා ආණ්ඩුව අපහසුතාවට පත් කිරීම සම්බන්ධයෙන් බලශක්ති ඇමැතිවරයාට ඉල්ලා අස්වෙන ලෙස ලියුමක් ගැසුවා වගේ පොහොර නැතුව ගොවියා අසරණ කෙරුවාට කෘෂිකර්ම ඇමැතිවරයාටද ලියුමක් ගසන ලෙස පොහොට්ටුවේ ලේකම් සාගර කාරියවසම් මහතාගෙන් ඉල්ලා සිටින බව සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න පවසනවා
ඉබ්බාගමුව ගොවිජන මධ්යස්ථානයේදී පොහොර ලබාදීමේදී ප්රමාණවත් පොහොර ලබා නොදීම නිසා ඇතිවූ නොසන්සුන්තාව හේතුවෙන් එම ස්ථානයට පැමිණි නාමල් කරුණාරත්න මහතා වැඩිදුරටත් සඳහන් කර සිටියේ පෝර මිටි 250 යි ලැබිල තියෙන්නේ. මේ වන විට ගොවීන් කිලෝ මීටරයකට වඩා දුර පෝලීම ගැහිල ඉන්නවා.
අන්තිමට ඉන්න ගොවියාට එක පොහොර මිටියක්වත් ලැබෙන්නේ නැහැ.ගොයමට මේ වන විට බණ්ඩි පොහොර ගහන කාලය ඇවිල්ලා තියෙන්නේ.
වී වපුරන විට බණ්ඩි පොහොර ගහන්න ඕනෑ. සති දෙක තුන යනකොට යූරියා පොහොර ගහන්න ඕන.
දවස් 28 යන විට යූරියා දෙවැනි වටය ගහන්න ඕන. ආයිත් දවස් 45 පනින කොට බණ්ඩි පොහොර ගහන්න ඕනෑ. මෙතෙක් කිසිම පොහොරක් ගොවීන්ට ලැබුණේ නැහැ. රටේම ගොවි ජනතාව අප්රසාදයට පත් වෙලා තියෙන්නේ.
අපි කියන්නේ තෙල් මිල වැඩි කරන විට ගම්මන්පිලගේ කුමන්ත්රණක් කියල ලියුමක් ගැහුව වගේ පොහොර හිඟ වන විට එය කෘෂිකර්ම ඇමැතිවරයාගේ කුමන්ත්රණයක් කියල වහාම ඉල්ලා අස්වෙන්න කියල ලියුමක් ගහන ලෙස පොහොට්ටුවේ ලේකම්ගෙන් ඉල්ලා සිටින බවයි.
