21 වන සියවසේ සියලු ක්ෂේත්රයන්හි පරිවර්තනීය වෙනසක් සිදු කිරීමට කෘත්රීම බුද්ධි තාක්ෂණය අදාළ වන බවත්; අප රටට ද ඊට මුහුණදීම අනිවාර්යය කාරණයක් වන බවත් අධ්යාපන අමාත්ය ආචාර්ය සුසිල් ප්රේමජයන්ත් පවසනවා.
අධ්යාපන අමාත්යවරයා මෙම අදහස් ප්රකාශ කළේ; අධ්යාපන අමාත්යාංශය හා තාක්ෂණ අමාත්යාංශය එක්ව තෝරා ගන්නා ලද පාසල් 100 ක කෘත්රීම බුද්ධිය ආශ්රිත ශිෂ්ය සමාජ (Al Clubs) ආරම්භ කිරීමේ සමාරම්භක වැඩසටහනට අරලියගහ මන්දිරයේ දී එක් වෙමින්.
කෘත්රීම බුද්ධියත් සමග ලොව නැගී එන තාක්ෂණික විෂය ධාරා වූ නැනෝ තාක්ෂණය, ජෛව තාක්ෂණය, තොරතුරු තාක්ෂණය වැනි නව තාක්ෂණ විෂයන් පිළිගැනීම සඳහා අප සූදානම් විය යුතු වුවත් අපගේ සූදානම තවමත් පවතින්නේ ලොව අන් රටවලට සාපේක්ෂ ව වසර 15 ක පමණ පිටුපසින් බවත් අධ්යාපන අමාත්යවරයා මෙහිදී සඳහන් කළා.
ඉදිරි දශකයක කාලය ඇතුළත මේ වන විට පවත්නා රැකියා වෙළෙඳපොළ මුළුමනින් ම වෙනස් වන අතර කෘත්රීම බුද්ධි තාක්ෂණය මග නො හැර එය සමග අපට අනාගතය කරා පියවර තබන්නට සිදු වීම අනිවාර්ය බවයි උත්සව සභාව අමතමින් සුසිල් ප්රේම්ජයන්ත් මහතා වැඩිදුරටත් අවධාරණය කළේ.
එහි දී හමුවන බාධක ජය ගනිමින් අභියෝග හමුවේ නොසැලෙන නායකත්වයක් ප්රකට කළ යුතු බවත් හෙතෙම තවදුරටත් ප්රකාශ කළා.
