උතුරු ආන්ද්ර ප්රදේශ වෙරළට ඔබ්බෙන් පැවති ගැඹුරු පීඩන අවපාතය, සෙමින් බටහිර – වයඹ දෙසට ගමන් කර ඊයේ (23) කාලිංග පටනම් (Kalingapatnam) හි නිරිතදිගට ආසන්නයෙන් වෙරළ තීරය හරහා ගොඩබිමට ඇතුළු වී ඇති බව කාලගුණ විද්යා දෙපාර්තමේන්තුව පවසනවා.
අනතුරුව බටහිර – වයඹ දෙසට ගමන් කර, අද, සැප්තැම්බර් 24, 0000 UTC (පෙ.ව. 05.30) වන විට උතුරු ආන්ද්ර ප්රදේශ වෙරළබඩ ප්රදේශය ආශ්රිතව, එනම් උතුරු අක්ෂාංශ 18.3° සහ නැගෙනහිර දේශාංශ 83.7° ආසන්නයේ (කන්කසන්තුරේ සිට කිලෝමීටර් 1100ක් පමණ ඊසාන දෙසින්) කේන්ද්රගතව පවතින බවයි එම නිවේදනයේ සඳහන් වන්නේ.
ඊට අදාළ සිතියමක් කාලගුණ විද්යා දෙපාර්තමේන්තුව විසින් නිවේදනය කර තිබෙනවා.
පහත සිතියමේ ”Warning” කාණ්ඩය යටතේ ලකුණු කර ඇති මුහුදු ප්රදේශවල, ගිගුරුම් සහිත තද වැසි ඇතිවන අතර, සුළගේ වේගය විටින් විට පැ.කි.මී. 70 දක්වා වැඩි වීමත් සමග එම මුහුදු ප්රදේශ ඉතා රළු වන බව නිවේදනයේ සඳහන්.
පහත සිතියමේ “Advisory” කාණ්ඩය යටතේ ලකුණු කර ඇති මුහුදු ප්රදේශවල සුළගේ වේගය විටින් විට පැ.කි.මී. (55-65) දක්වා වැඩි වන අතර එම මුහුදු ප්රදේශ විටින් විට රළු හෝ ඉතා රළු වන බවයි නිවේදනයේ සඳහන් වන්නේ.
උතුරු අක්ෂාංශ 10°N ත් 22°N ත් සහ නැගෙනහිර දේශාංශ 82°E ත් 90°E ත් අතර මුහුදු ප්රදේශ වල, නැවත දැනුම් දෙන කුරු ධීවර සහ නාවුක කටයුතු වලින් වැළකී සිටින ලෙස දැනුම් දෙනු ලැබේ. මේ වන විට එම ප්රදේශයේ ධීවර කටයුතු වල යෙදී සිටී නම් එම මුහුදු ප්රදේශ වලින් ඉවත්වන ලෙසත් කාලගුණ විද්යා දෙපාර්තමේන්තුව උපදෙස් ලබා දී තිබෙනවා.
ධීවර සහ නාවුක ප්රජාව මේ පිළිබඳව අවධානයෙන් පසුවන ලෙසත් කාලගුණ විද්යා දෙපාර්තමේන්තුවේ ඉදිරි නිවේදන සහ අනාවැකි සම්බන්ධයෙන් විමසිලිමත් වන ලෙසත් එම දෙපාර්තමේන්තුව ඉල්ලා සිටිනවා.
