ක්රිකට් පරිපාලනයේ හා දේශපාලඥයන්ගේ ප්රශ්න සාකච්ඡා මාර්ගයෙන් විසදාගත යුතු අතර එසේ නොවුන හොත් අවසානයේදී අපහසුතාවයට හා අගතියට පත්වන්නේ ක්රීඩකයින් බවත් පාර්ලිමේන්තු මන්ත්රී නාමල් රාජපක්ෂ පවසනවා.
තමන් ක්රීඩා අමාත්යවරයාව සිටි කාලයේ ක්රීඩාව සහ ක්රීඩකයින්ගේ අනාගතය ගැන සිතා පරිපාලන ගැටළු සාකච්ඡා මාර්ගයෙන් විසඳා ගත් බවයි ඔහු කියාසිටියේ.
දේශපාලන හා ක්රිකට් පරිපාලනය ගැටීම හමුවේ ජාත්යන්තර ක්රිකට් කවුන්සිලය විසින් ශ්රී ලංකා ක්රිකට් තහනම් කර ඇති අතර එම තහනම හේතුවෙන් වාර්ෂිකව ඍජු හා වක්රව ඩොලර් මිලියන 100ක් පමණ අහිමිවන බව මන්ත්රීවරයා පෙන්වා දෙනවා.
විශේෂයෙන් රජයේ අභ්යන්තර පරිපාලන ගැටළු නිරාකරණය කර ගැනීමට ක්රීඩාව පාවිච්චි නොකළ යුතු බව ඔහු අවධාරණය කළා.
පටු දේශපාලන අරමුණු වෙනුවෙන් ක්රීඩාව පාවිච්චි නොකළ යුතු බවත් ප්රශ්න ඇත්නම් ඒවා සාකච්ඡා මාර්ගයෙන් විසඳා ගත යුතු බවයි මන්ත්රීවරයා කියාසිටියේ.
එසේ නොවුන හොත් විනාශ වී යන්නේ ශ්රී ලංකාවේ ක්රීඩාව හා ක්රීඩකයින් බව නාමල් රාජපක්ෂ වැඩිදුරටත් ප්රකාශ කළා.
පසුගිය කාලයේදී රග්බි, පාපන්දු පරිපාලනයන් සහ දේශපාලඥයන් අතර ගැටුම් ඇති වීම මගින් සිදුවූයේ එම ක්රීඩාවන් තහනම් වීම බවත් ඔහු සඳහන් කරනවා.
එබැවින් එමනිසා දේශපාලනය හා ක්රීඩා පරිපාලනය අතර ගැටුම්වලින් සිදුවන්නේ අනර්ථයක් බවත් පසුගිය කාලයේ සිදුවූ කරුණු කාරණා අනුව එය අවබෝධ කර ගැනීම අපහසු නොවන බවත් නාමල් රාජපක්ෂ කියාසිටියා.
wpDiscuz
