රුසියාව ඇමරිකානු ප්රහාරය දැඩි ලෙස හෙළා දකින බව රුසියානු විදේශ අමාත්යාංශය පවසනවා.
රුසියානු විදේශ අමාත්යාංශය පැවසුවේ ඉරානයේ න්යෂ්ටික මධ්යස්ථානවලට එල්ල කරන ලද එක්සත් ජනපද ගුවන් ප්රහාර රුසියාව දැඩි ලෙස හෙළා දකින බවයි.
ස්වෛරී රාජ්යයක භූමි ප්රදේශයට මිසයිල සහ බෝම්බ ප්රහාරවලට යටත් කිරීමට ගත් වගකීම් විරහිත තීරණය, එය ඉදිරිපත් කළ හැකි තර්ක කුමක් වුවත්, ජාත්යන්තර නීතිය, එක්සත් ජාතීන්ගේ ප්රඥප්තිය සහ එක්සත් ජාතීන්ගේ ආරක්ෂක මණ්ඩලයේ යෝජනා බරපතල ලෙස උල්ලංඝනය කරන බවයි නිවේදනයක් නිකුත් රුසියානු විදේශ අමාත්යාංශය අද සඳහන් කළේ.
ආක්රමණශීලීත්වය අවසන් කරන ලෙසත්, තත්වය දේශපාලනික හා රාජ්ය තාන්ත්රික මාර්ගයකට නැවත ගෙන ඒම සඳහා කොන්දේසි නිර්මානය කිරීමට වැඩි උත්සාහයක් ගන්නා ලෙසත් ඉල්ලා සිටින බව අදාළ නිවේදනයේ වැඩිදුරටත් දක්වා තිබෙනවා.
මේ අතර හෙට දිනයේ රුසියානු ජනාධිපති ව්ලැදිමිර් පුටින් හමුවීමට ඉරාන විදේශ කටයුතු අමාත්ය අබ්බාස් අරක්චි තීරණය කර තිබෙනවා.
ඒ, අනුව ඔහු අද (22) දිනයේ දී මොස්කව් වෙත යන බවයි තුර්කියේ ඉස්තාන්බුල්හි දී මාධ්ය වෙත අදහස් දක්වමින් සඳහන් කළේ.
මේ අතර මැදපෙරදිග යුද්ධය “සුව කළ නොහැකි අගාධයක් බවට පත්වීමට පෙර” එය නතර කරන ලෙස ජාත්යන්තර ප්රජාවගෙන් ඉල්ලා සිටින බව 14 වන ලියෝ පාප් වහන්සේ අද (22) ප්රකාශ කළා.
ශාන්ත පීටර් චතුරශ්රයේ සිට පැවති සාම්ප්රදායික ඉරිදා දේව මෙහෙය අතරතුර, පාප්වහන්සේ මේ බව සඳහන් කර සිටියා.
යුද්ධ කියන්නේ මිනිස් ජිවිත නැතිකිරිම