නව උත්තරීතර නායකයා තෝරා ගැනීමට දිගු කාලයක් ගත නොවනු ඇති බව ඉරානය පවසනවා.
ඉරානයට නව උත්තරීතර නායකයෙකු තෝරා පත් කර ගන්නා විශේෂඥයින්ගේ සභාවේ සාමාජිකයෙකු වන අලි මොලෙමි පවසන්නේ නව නායකයා තෝරා ගැනීමේදී පුද්ගලයන්ට හෝ දේශපාලනික සහ පක්ෂ කණ්ඩායම් සඳහා පුද්ගලික මනාපයන් සාධකයක් නොවන බවයි.
විශේෂඥයින්ගේ සභාවේ විනිශ්චය මත පදනම්ව සහ ආගමික මූලධර්මවලට අනුකූලව ඡන්දය දෙන බවත් ඒ වෙනුවෙන් විශේෂඥයින්ගේ සභාවේ සාමාජිකයින් දිවුරුම් දී ඇති බව අලි මොලෙමි පවසනවා.
අතීතයේ දී මෙන්, විශේෂඥයින්ගේ සභාව, විප්ලවයේ දිවි පිදූ නායකයා වැනි පෞරුෂයක් ඇති පුද්ගලයෙක් ඉරානයේ නව උත්තරීතර නායකයා ලෙස තෝරාපත්කර ගනු ඇති බවයි ඔහු වැඩිදුරටත් පැවසුවේ.
පසුගිය සෙනසුරාදා උදෑසන එක්සත් ජනපද-ඊශ්‍රායල් ඒකාබද්ද ප්‍රහාරයකින් ඉරානයේ උත්තරීතර නායකයා ලෙස කටයුතු කළ අලි කමේනි ඝාතනයට ලක් වුණා.
