කුඩා යාත්‍රාවලට මුහුදු යාමෙන් තවදුරටත් වැළකෙන ලෙස ධීවර දෙපාර්තමේන්තුව දැනුම් දෙනවා.
මෙරට මුහුදු තීරය සම්බන්ධයෙන් නිකුත් කළ කාලගුණ අනාවැකි සැලකිල්ලට ගනිමින් ධීවර දෙපාර්තමේන්තුව මෙම දැනුම්දීම සිදුකර තිබෙනවා.
හලාවත සිට පුත්තලම සහ මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා මුහුදු ප්‍රදේශවල සුළගේ වේගය පැයට කිලෝමීටර් 40ත් 50ත් දක්වා ඉහළ යා හැකි අතර, එය විටින් විට පැයට කිලෝමීටර් 60ත් 70ත් දක්වා වැඩිවිය හැකි බව කාලගුණ අනාවැකියේ දැක්වෙනවා.
එමෙන්ම හලාවත සිට කොළඹ හරහා ගාල්ල දක්වා සහ කන්කසන්තුරය සිට මුලතිව් හරහා ත්‍රිකුණාමලය දක්වා වෙරළට ඔබ්බෙන් වන මුහුදු ප්‍රදේශවල විටින් විට පැයට කිලෝමීටර් 50ත් 60ත් දක්වා පමණ දක්වා ඉහළ යා හැකි බවද, කාලගුණ විද්‍යා දෙපාර්තමේන්තුව දැනුම් දෙනවා.
නිරිතදිග මෝසම් තත්ත්වය සක්‍රියවීමත් සමඟ ඊයේ (29) පස්වරුවේ සිට සිට දිවයිනේ ප්‍රදේශ කිහිපයකට දැඩි වර්ෂාපතනයක් සහ දැඩි සුළං තත්ත්වයක් වාර්තා වුණා.
එම අයහපත් කාලගුණික තත්ත්වය හේතුවෙන් මේ වනවිට පවුල් 485කට අයත් පුද්ගලයින් 1,757 දෙනෙකු පීඩාවට පත්ව තිබෙනවා.
ආපදා කළමනාකරණ මධ්‍යස්ථානය සඳහන් කළේ දිස්ත්‍රික්ක 09 කට වර්ෂාවෙන් සහ සුළං තත්ත්වයෙන් හානි සිදුව ඇති බවයි.
මේ අතර දිස්ත්‍රික්ක කිහිපයකට නායයෑම් පිළිබඳ අවදානයෙන් පසුවන ලෙස ආපදා කළමනාකරණ මධ්‍යස්ථානය උපදෙස් ලබාදී තිබෙනවා.
ඒ, අනුව ගාල්ල, කළුතර, කෑගල්ල සහ මහනුවර දිස්ත්‍රික්කවල පදිංචිකරුවන්ට නායයෑම් පිළිබඳ අවධානයෙන් සිටින ලෙසයි එම මධ්‍යස්ථානය සඳහන් කළේ.
