දැනට විදේශගතව සිටින සංවිධානාත්මක අපරාධ කල්ලි සාමාජිකයෙකු ලෙස සැලකෙන ‘අහුන්ගල්ලේ ඩිල්ෂාන්’ සමඟ සමීප සම්බන්ධතා පැවැත්වූ “කැප්පෙටිගහලන්ද බෝලේ “ඇතුළු තවත් අයෙකු ජීව උණ්ඩ 13ක් සහ තියුණු ආයුධ දෙකක් සමග කළුතර අපරාධ කොට්ඨාසය මගින් අත්අඩංගුවට ගෙන තිබෙනවා.
මෙම සැකකරුගෙන් කරන ලද ප්රශ්න කිරීම්වලින් පසුව ඔහුගේ නිවස පරීක්ෂා කිරීමේ දී නිවසේ සඟවා තිබූ මිලිමීටර් 9 ගිනිඅවියට යොදන උණ්ඩ 13ක් සහ තියුණු ආයුධ දෙක සොයා ගැනුණා.
ඔහුගේ ජංගම දුරකථනය ද පොලිස් භාරයට ගෙන පරීක්ෂා කිරීමේ දී සහ ඔහුගෙන් කරන ලද ප්රශ්න කිරීම්වල දී අලුත්ගම දර්ගා නගරයේ පදිංචි වයස අවුරුදු 26 පුද්ගලයෙකු ද අත්අඩංගුවට ගැනුණු බවයි දසත වාර්තාකරු පැවසුවේ.
ඔහුගෙන් කරන ලද ප්රශ්න කිරීම්වල දී විවිධ අපරාධවලට යොදාගත් බවට සැක කෙරෙන ත්රීවිල් රථයක් සහ අංක තහඩු ව්යාජ ලෙස සකස් කරන ලද එන්ජින් අංක මකා දමා තිබූ තවත් යතුරුපැදියක් සොයා ගත්තා.
මෙම ත්රීවිල් රථය සහ යතුරුපැදිය කිසියම් අපරාධයක් සඳහා යොදාගත්තේ ද යන්න පිළිබඳ ව ඉදිරි විමර්ශන ක්රියාත්මකයි.
යතුරුපැදිය සහ ත්රිවිල් රථය සමග අත්අඩංගුවට ගත් වයස අවුරුදු 26ක් වන පුද්ගලයාට මේ වන විට වරෙන්තු දෙකක් සහ නඩු හතක් විවිධ අධිකරණවලින් ක්රියාත්මක බව ද කළුතර අපරාධ කොට්ඨාසය කියා සිටිනවා.
සැකකරුවන් මේ වන විට මතුගම මහේස්ත්රාත් අධිකරණයට ඉදිරිපත් කර රැඳවුම් නියෝග ලබාගෙන ඇති බවයි වාර්තා වන්නේ.
