දිවයින පුරා සියළුම සංවර්ධන නිලධාරීන් හෙට (09) දිනයේ අසනීප නිවාඩු වාර්තා කර වෘත්තීය ක්‍රියාමාර්ගයකට එළඹීමට තීරණය කර තිබෙනවා.
රාජ්‍ය හා පළාත් රාජ්‍ය සේවක වෘත්තීය සමිති සන්ධානය මාධ්‍ය හමුවක් කැඳවමින් සඳහන් කළේ, විධිමත් සේවා
ව්‍යවස්ථාවක් සකස් කරන ලෙස රජයට බලකරමින් මෙම වෘත්තීය ක්‍රියාමාර්ගයට එළඹෙන බවයි.
විධිමත් සේවා ව්‍යවස්ථාවක් සකස් කිරීම තුළින් සංවර්ධන නිලධාරීන්ට ලැබිය යුතු උසස් වීම් සහ වැටුප් තල සකස් කිරීමේ හැකියාව පවතින බවයි ඔවුන් පෙන්වා දෙන්නේ.
රජය විසින් සංවර්ධන නිලධාරීන්ගේ ඉල්ලීම් සම්බන්ධයෙන් කටයුතු නොකරන්නේ නම් ඉදිරියේ මෙම වෘත්තීය
ක්‍රියාමාර්ගයකට එහා ගිය වෘත්තීය ක්‍රියාමාර්ගයන්ට අවතීර්ණ වීමට අදහස් කරන බවයි එම වෘත්තීය සමිති සන්ධානය සඳහන් කළේ.
