සියලුම තැබෑරුම් වසා දමයි…

ඔමික්‍රොන් වෛරස් ප්‍රභේදයේ බලපෑම හේතුවෙන් යුරෝපා රටවල සෞඛ්‍ය පද්ධතිවල කඩා වැටීමක් සිදුවිය හැකි බවට ලෝක සෞඛ්‍ය සංවිධානය අනතුරු අගවනවා.

ඉදිරියේදී ආසාධිතයන් සංඛ්‍යා සීඝ්‍රයෙන් වැඩිවිය හැකි බවද එක් එක් රජයන් ඊට මුහුණුදිය යුතු ආකාරය වහා සැලසුම් කල යුතු බවද ඔවුන් අවධාරණය කරනවා.

ඔමික්‍රොන් අවධානම හමුවේ යුරෝපයේ රටවල් ගණනාවක් දැනටමත් විවිධ සංචරණ සීමා පණවා අවසන්.

මේ අතර නත්තල් දිනයෙන් පසු පවත්වන සාද සඳහා ජර්මනිය විසින් නව රෙගුලාසි පණවා තිබෙනවා.

එමෙන්ම දෙසැම්බර් 26 වනදා සිට පෘතුගාලයේ සියලුම තැබෑරුම් සහ රාත්‍රී සමාජ ශාලා වසා දමන ලෙසයි එරට බළධාරීන් නියෝග කර ඇත්තේ.