වැල්ලවාය ප්රාදේශීය ලේකම් කොට්ඨාසයට අයත් වරුණගම ග්රාම නිලධාරී වසමේ පිහිටා ඇති වරුණගම සහ ළිදආරගම ගම්මානවලට අයත් කදු රක්ෂිතයේ මේ වන විට විශාල ගින්නක් පැතිර යමින් තිබෙනවා.
අද (02) දහවල් කාලයේ දී මෙම ගින්න හටගෙන ඇති අතර මෙම ගින්න හේතුවෙන් රක්ෂිතයේ අක්කර දහයකට වඩා දැනට ගිනිගෙන විනාශ වී ඇති බව සඳහන්.
මේ වන විට ප්රදේශයට පවතින දැඩි වියලි කාලගුණය සහ සුළං තත්ත්වය නිසා ගින්න වේගයෙන් පැතිර යමින් පවතින අතර කිසියම් පුද්ගලයෙකු රක්ෂිතයට ගිනි තබන්නට ඇති බවට වනසංරක්ෂණ නිලධාරීන් සැකපල කර සිටිනවා.
මෙම ගින්න මැඩපැවැත්වීම සඳහා මේ වන විට අවශ්ය පියවර ගනිමින් සිටින බව මොණරාගල දිස්ත්රික් ආපදා කළමනාකරණ ඒකකයේ සහකාර අධ්යක්ෂ රවීන්ද්ර කුමාර අප කල විමසීමකදී සදහන් කළා.
වනසතුන් දඩයම් කිරීමට, දර ලබා ගැනීමට සහ විනෝදය සඳහා ඇතැම් පුද්ගලයන් මෙම රක්ෂිතවලට ගිනි තබන අතර මෙම ගින්න හේතුවෙන් වනසතුන් සහ රක්ෂිතයේ තිබූ ඉපැරැණි ශාක රැසක්ම මේ වන විට විනාශ වෙමින් පවතී.
