“නෙලුම් විලෙන් පැන” ගීතය ගායනයට දුෂ්‍යන්ත් වීරමන්ට වාරණය නියෝගයක්

දුෂ්‍යන්ත වීරමන්ට එරෙහිව “නෙලුම් විලෙන් පැන” ගීතය ගායනා කිරිම වාරණය කරමින් අද (27) කොළඹ වාණිජ මහාධිකරණය විසින් වාරණ ආඥාවක් නිකුත් කරනු ලැබුවා.

එම ගීතයේ තනු නිර්මාණය සහ සංගීත සංකලනය සිදු කරන ලද සංගීතඥ රවිහන්ස වැටකේපොත විසින් මෙම නඩුව දුෂ්‍යන්ත වීරමන් යන අයට එරෙහිව ගොනු කර තිබුණා.

සියලු කරුණු සලකා බැලු වාණිජ මහාධිකරණ විනිසුරු අමාලි රණවීර මහත්මිය විසින් මෙම වාරණ නියෝගය දුෂ්‍යන්ත් වීරමන්ට එරෙහිව නිකුත් කළා.

තවද පැමිණිලිකරුගේ ලිඛිත අවසරයකින් තොරව එකී ගීත වෙනත් පාර්ශවයන් වෙත ලබා දීමද, මහාධිකරණය විසින් වාරණය කර තිබෙනවා.

පැමිණිලිකරු වෙනුවෙන් පෙනී සිටි නීතිඥවරයා සදහන් කර සිටියේ ගීත සම්බන්ධයෙන් පවතින බුද්ධිමය දේපළ හිමිකම කිසිදු අයෙක්ට උල්ලංඝනය කළ නොහැකි හිමිකමක් වන බවත් දුෂ්‍යන්ත් වීරමන් විසින් පැමිණිලිකරුගේ අවසරයකින් තොරව සිය ගීතයක් වශයෙන් ගායනා කරමින් සිටින බවත් ඔහු විසින් පැමිණිලිකරුගේ බුද්ධිමය දේපල හිමිකම උල්ලංඝනය කර ඇති බවයි.

නැවත මෙම නඩුවලබන මස 10 වැනිදා කැදවීමට නියමිතයි.