දෙහිවල ප්‍රදේශයෙන් මුහුදට පැන සියදිවි නසාගත් තිදරු පියෙකුගේ මළ සිරුර වැල්ලවත්ත, බොස්වෙල් පෙදෙස මුහුදු තීරයෙන් සොයාගෙන තිබෙනවා.
සිත් අමනාපයක් හේතුවෙන් මෙම පුද්ගලයා මෙලෙස සියදිවි හානිකරගෙන ඇති බවයි පොලිසිය සඳහන් කළේ.
මෙම පුද්ගලයා දෙහිවල, වෛද්‍ය පාර ප්‍රදේශයේ පදිංචිව සිටි 70 හැවිරිදි වියේ පසු වූ අයෙක්.
වැල්ලවත්ත මුහුදු තීරයේ නාඳුනන පුද්ගල මළ සිරුරක් ගොඩගසා ඇති බවට ලද තොරතුරකට අනුව පොලිස් කණ්ඩායමක් පරීක්ෂණ ආරම්භ කර ඇති අතර, පසුව මියගිය පුද්ගලයාගේ ඥාතීන් පැමිණ සිරුර හඳුනාගෙන තිබෙනවා.
සිද්ධිය සම්බන්ධයෙන් වැල්ලවත්ත පොලිසිය වැඩිදුර විමර්ශන සිදුකරනු ලබනවා.
