අබිරහස් ලෙස මියගිය දිනේෂ් ෂාෆ්ටර් මහතා වෙනුවෙන් රක්ෂණ මුදල් ගෙවීම සතියක කාලයක් දක්වා අත්හිටුවන ලෙස දන්වමින් ෆෙයා ෆස්ට් හා ජනශක්ති රක්ෂණ සමාගමට පසුගිය නඩුවාරයේදී කළ නියෝගය කොළඹ අතිරේක මහේස්ත්රාත් රජින්ද්රා ජයසූරිය විසින් අද ඉවත් කර තිබෙනවා.
අදාළ පාර්ශවයන් වෙත රක්ෂණ මුදල් ගෙවීම අත්හිටුවීමට තවදුරටත් අවශ්ය නොමැති බවට අධිකරණයට හැඟී යන බැවින් එම නියෝගය ඉවත් කරන බවයි මහේස්ත්රාත්වරිය ප්රකාශ කළේ.
එම වන්දි මුදල් ලබා ගැනීමට වෙනත් කිසිදු පාර්ශ්වයක් උත්සාහ ගන්නා බවට කරුණු හෙළිවී නැති බව ද මහේස්ත්රාත්වරිය සඳහන් කළා.
ෂාෆ්ටර් මහතාගේ මරණය අපරාධයක් බවට තහවුරුවී ඇති බැවින් ඒ පිළිබඳව සිදු කෙරෙන විමර්ශන කටයුතු සඳහා සහය දැක්වීමක් ලෙස සතියක කාලයක් යන තෙක් අදාළ අයට එම රක්ෂණ වන්දි මුදල් ගෙවීම අත්හිටුවීමට ඉහත සඳහන් රක්ෂණ සමාගම්වල බලධාරීන්ට නියෝගයක් නිකුත් කරන ලෙස ඉල්ලා මනුෂ්ය ඝාතන හා සංවිධානාත්මක අපරාධ කොට්ඨාශය අධිකරණයෙන් කරන ලද ඉල්ලීමක් සලකා බලමිනුයි මහේස්ත්රාත්වරිය එම වන්දි ප්රතිලාභ නොගෙවන ලෙස ඉහත කී සමාගම්වලට පසුගිය නඩුවාරයේදී නියෝග කර තිබුණේ.
බොරැල්ල පොදු සුසාන භූමිය අසලදී සිදුවූ අබිරහස් සිද්ධියක් හේතුවෙන් කොළඹ ජාතික රෝහලට ඇතුළත් කළ ෂාෆ්ටර් මහතා පසුගිය 2022 වසරේ දෙසැම්බර් මස 16 වනදා මියගොස් තිබුණා.
මෙම මරණය සම්බන්ධයෙන් එම පවුලේ ඥාතීන් බොරැල්ල පොලිසියට හා අපරාධ පරීක්ෂණ දෙපාර්තමේන්තුවට කරන ලද පැමිණිල්ලක් අනුව මෙම මරණය පිළිබඳව සොයා බැලීම සඳහා කොළඹ අතිරේක මහේස්ත්රාත් රජින්ද්රා ජයසූරිය පංච පුද්ගල විද්වත් වෛද්ය කමිටුවක්ද පත් කර තිබෙනවා.
ෂාෆ්ටර් මහතාගේ මරණය ඝාතනයක් බවට සැක කළ හැකි බව එම විද්වත් වෛද්ය කමිටුව පසුගියදා අධිකරණයට තම වාර්තාව මගින් දැන්වීම හේතුවෙන් මෙම සිද්ධියට අදාළ සැකකරුවන් වහාම අත්අඩංගුවට ගෙන අධිකරණයට ඉදිරිපත් කරන ලෙසද මහෙස්ත්රාත්වරිය අපරාධ පරීක්ෂණ දෙපාර්තමේන්තුවට නියෝග කර තිබෙනවා.
අධිකරණයේ නියෝග අනුව නැවත ගොඩගෙන කරාපිටිය රෝහලේ තැන්පත් කර තිබූ ෂාෆ්ටර් මහතාගේ දේහය පසුගිය 4 වනදා ජාවත්ත පොදු සුසාන භූමියේදී මිහිදන් කෙරුණා.
INSURANCE GANNA WIFE HO LANGAMA NEYEK MREWWA DHA? GEDQRQ THIUNA CABLE POTAKA KOTASAKIN THAMAYI EYAWA GETA GAHALA BELLA THADHA KARALA THIYEENE KIYALA THUBUNA NEDHA? MARANAYA SIDU KALA ANGA DEKAMA GEDQQRQ THU=IBUN EK KIYALA DAKKA. DENNEKUTA KEMA GATHTHE EYI. KATADA ENNA KIYUWE? KAWUDHA ENAWA KIYALA AWE NATHTHE? BRIAN THOMAS DHA, WENA PORAK DHA, WENA LOVE KALA GEHENIYEK DHA? MEYA RATA DALA YANA NISA THARAHATA KALA DHA, MEYA PETALILA SITI GEHENIYAGE MINIHA RATA DALA YANNA KALIN PALI GANNA KALA DHA. RATA GIHIN THAMUN GE GENITH GANIYI KIYANA BHAYATA MARUWA DHA? ME MATA HIHTHUNA EWA.