spot_imgspot_img
spot_img
SLIC Banner
Empty Ad
Empty Ad

දණ්ඩ නිති සංග්‍රහය සංශෝධන පනත් කෙටුම්පතට එරෙහිව ගොනු කළ පෙත්සම් විභාගය අවසන්

පාර්ලිමේන්තු මන්ත්‍රී ප්‍රේමනාත් සී දොලවත්ත විසින් පාර්ලිමේන්තුවට ඉදිරිපත් කළ “දණ්ඩ නීති සංග්‍රහය (සංශෝධන) පනත් කෙටුම්පතේ ව්‍යවස්ථානුකූල භාවය පිළිබඳ විභාගයක් පැවැත් වූ ශ්‍රේෂ්ඨාධිකරණය එහි රහසිගත තීන්දුව පාර්ලිමේන්තුවේ කතානායකවරයා වෙත යොමු කරන බව නිවේදනය කළා.

එම පනත් කෙටුම්පත අභියෝගයට ලක් කරමින් ගොනු කළ පෙත්සමක් සහ ඊට අදාළව ගොනු කළ අතරමැදි පෙත්සම් කිහිපයක් සම්බන්ධයෙන් විභාගය අවසන් කිරීමෙන් අනතුරුවයි අධිකරණය මේ බව නිවේදනය කළේ.

අග විනිසුරු ජයන්ත ජයසූරිය, විජිත් මලල්ගොඩ සහ අර්ජුන ඔබේසේකර යන මහත්වරුන්ගෙන් සමන්විත ත්‍රි පුද්ගල විනිසුරු මඩුල්ල හමුවේ මෙම පෙත්සම් විභාගය පැවැත්වුණා.

ඊයේ දින ආරම්භ වූ අදාළ පෙත්සම් විභාගය අද අවසන් කෙරුණු අතර පෙත්සම් සම්බන්ධයෙන් වන ලිඛිත දේශන ලබන 24 වැනිදා හෝ ඊට පෙර ගොනු කරණ ලෙස අධිකරණය පාර්ශවකරුවන්ට නියම කර තිබෙනවා.

විශ්‍රාමික යුද හමුදා බ්‍රිගේඩියර් වරයකු වන ඒ. අතුල එච්. ද සිල්වා, දේශපාලන විශ්ලේෂිකාවක වන ෂෙනාලී ඩී.වඩුගේ සහ සමාජ ක්‍රියාකාරිනියක වන ජෙහාන් හමීඩ් යන තිදෙනා විසිනුයි මෙම පෙත්සම ගොනු කර තිබුණේ.

පෙත්සම්කරුවන් අධිකරණය හමුවේ සඳහන් කර ඇත්තේ යෝජිත පනත් කෙටුම්පතෙහි අන්තර්ගත ප්‍රතිපාදනවලින් සමලිංගික ක්‍රියාකාරකම් සම්බන්ධ වැරදි අපරාධමය නොවන වැරදි වශයෙන් අර්ථකථනය කිරීම සිදුකර ඇති බවයි.

මෙම තත්ත්වය තුළින් කාන්තා හා ළමා අයිතිවාසිකම් බරපතල ලෙස උල්ලංඝනය වන අතර රටේ ආගමික විශ්වාස, සදාචාරය සංස්කෘතියට පටහැනි බවත් එම පෙත්සම්වල සඳහන් කර තිබෙනවා.

එබැවින් ඒවා සම්මත කිරීමට නම් පාර්ලිමේන්තුවේ තුනෙන් දෙකක බහුතර ඡන්දයකින් සහ ජනමත විචාරණයකින් අනුමත විය යුතු බවට තීන්දුවක් ලබාදෙන ලෙසටයි පෙත්සමෙන් ඉල්ලා ඇත්තේ.

නමුත් අදාළ පනත් කෙටුම්පතට පක්ෂව ඒ.බී.භුමි හරේන්, ආචාර්ය වී. චන්ද්‍රසේකරන්, ආචාර්ය රාධිකා කුමාරස්වාමි, මහාචාර්ය සාවිත්‍රී ගුණසේකර, ඇතුළු පිරිසක් පෙත්සම් ඉදිරිපත් කර තිබුණා.

ඔබේ ප්‍රතිචාරය කුමක්ද ?
+1
0
+1
0
+1
0
+1
0
+1
0
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?