දකුණු පළාතේ ප්රදේශ තුනක රාජ්ය බැංකුවක ATM යන්ත්ර 03ක් කඩා රුපියල් කෝටියකට ආසන්න සංඛ්යාවක් සොරාගත් විදෙස් ජාතිකයින් තිදෙනා සහ අනෙකුත් සැකකරුවන් ජනවාරි මස 23 වනදා දක්වා රක්ෂිත බන්ධනාගාර ගතකර තිබෙනවා.
ඒ, අදාළ සැකකරුවන් පස්දෙනා බද්දේගම මහේසේත්රාත් අධිකරණය වෙත ඉදිරිපත් කිරීමෙන් අනතුරුවයි.
මෙම සැකකරුවන් අතර මීගහතැන්න පොලිස් ස්ථානයට අනුයුක්තව සේවය කරන පොලිස් පරීක්ෂකවරයෙක් ද සිටින බවයි තොරතුරු වාර්තා වන්නේ.
පසුගිය දෙසැම්බර් 30වනදා බද්දේගම, කරාපිටිය සහ හික්කඩුව යන ප්රදේශවල රජයේ බැංකුවකට අයත් ATM යන්ත්ර තුනක් කඩා එහි තිබූ මුදල් මෙම පිරිස විසින් කොල්ල කා තිබුණා.
මේ සම්බන්ධයෙන් සිදුකළ විමර්ශනවලදී සැකකරුවන් ඊයේ (09) අත්අඩංගුවට ගත් අතර , ප්රදේශයේ සී.සී.ටී.වි. කැමරා 79ක් විශ්ලේෂණය කිරීමෙනුයි මොවුන් සම්බන්ධයෙන් තොරතුරු රැසක් අනාවරණය කර ගෙන ඇත්තේ.
ඔබේ ප්රතිචාරය කුමක්ද ?
+1
+1
+1
+1
+1
+1
+1
3
