හල්දුම්මුල්ල, සීලතැන්න ප්‍රදේශයේ අවදානම්ව පැවති ගසක් කපා ඉවත් කිරීමට යාමේ දී අධිබලැති විදුලි රැහනක විදුලි සැර වැදීමෙන් පුද්ගලයෙක් ජීවිතක්ෂයට පත්ව තිබෙනවා.
අද (30) පස්වරුවේ සිදු වූ මෙම අනතුරින් ජීවිතක්ෂයට පත්ව ඇත්තේ සීලතැන්න ප්‍රදේශයේ පදිංචිව සිටි 60 හැවිරිදි වියේ පසු වූ අයෙක්.
මෙම පුද්ගලයා යාන්ත්‍රික කියතකින් ගසක් කපමින් සිටිය දී එම ගසේ අත්තක් අසළින් ඇද තිබූ අධිබලැති විදුලි රැහනක පැටලී මෙම පුද්ගලයාට විදුලි සැර වැදී ඇති බවයි හල්දුම්මුල්ල පොලිසිය පැවසුවේ.
විදුලි සැර වැදුණු පුද්ගලයා එම ස්ථානයේදීම ජීවිතක්ෂයට පත්ව ඇති අතර, සිරුර මරණ පරීක්ෂණය සඳහා හල්දුම්මුල්ල රෝහල වෙත යොමුකර තිබෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
