වීරගුල පොලිස් වසමේ වීදියවත්ත සතර මහා දේවාලයේ වාර්ෂික පෙරහර අද (03) දින රාත්‍රී 09.00 සිට පසු දින අළුයම 03.00 දක්වා විථි සංචාරය කිරීමට නියමිත අතර පෙරහර දේවාලයෙන් ආරම්භ කර කොළඹ – මහනුවර ප්‍රධාන මාර්ගයේ යක්කල හන්දිය දක්වා ගමන් කර නැවත එම මාර්ගගය ඔස්සේ දේවාලය වෙත පිවිසීමට නියමිතව තිබෙනවා.
පෙරහර ගමන් ගන්නා කාල සීමාව තුල එම මාර්ගයේ ඇති වන රථවාහන තදබදය අවම කර ගැනීම සඳහා පහත විකල්ප මාර්ග භාවිතා කරන ලෙස පොලිසිය මහජනතාවගෙන් ඉල්ලා සිටිනවා.
විකල්ප මාර්ග –
මහනුවර දෙස සිට කොළඹ දෙසට ගමන් ගන්නා රථවාහන තිහාරිය හන්දියෙන් වමට හරවා වාරණ මාර්ගයේ කලටුවාව පාලම ඔස්සේ ගමන් කර නෙල්ලිගහමුල ඉන්ධන පිරවුම් හල අසලින් දකුණට හැරී යක්කල කිරිඳිවැල මාර්‌ගය ඔස්සේ යක්කල හන්දියට පිවිස වමට හැරී කොළඹ දෙසට ගමන් කළ හැක.
කොළඹ දෙස සිට මහනුවර දෙසට ගමන් ගන්නා රථවාහන සඳහාද ඉහත විකල්ප මාර්ගයම භාවිතාකර තිහාරිය හන්දියට පිවිස දකුණට හැරී මහනුවර දෙසට ගමන් කළ හැක.
