ඩුබායි හිදී අත්අඩංගුවට ගැනුණු සංවිධානාත්මක අපරාධ කල්ලි සාමාජිකයෙකු වන රංජිත් කුමාර හෙවත් ‘කොණ්ඩ රංජි’ පිටුවහල් කිරීමන් අනතුරුව මේ වනවිට දිවයිනට රැගෙනවිත් තිබෙනවා.
පිටුවහල් කළ ඔහු අද (09) පෙරවරු 8.10ට පමණ ෆ්ලයි ඩුබායි ගුවන් සේවයට අයත් ගුවන් යානයකින් කටුනායක ගුවන්තොටුපොළ වෙත පැමිණි බවයි දසත නිවුස් ගුවන්තොටුපොළ වාර්තාකරු සඳහන් කළේ.
‘කොණ්ඩ රංජි’ ඉතාලියට පලායාමට උත්සාහ කිරීමේ දී පසුගිය ජනවාරි 09 වනදා ඩුබායි හිදී අත්අඩංගුවට ගෙන තිබුණා.
ඩුබායි ආරක්ෂක අංශ විසින් ඔහු සමඟ ඔහුගේ බිරිඳ සහ දරුවන් ද අත්අඩංගුවට ගෙන තිබූ අතර, පසුව බිරිඳ සහ දරුවන් මුදාහැර තිබුණා.
කටුනායක ගුවන් තොටුපොළ වෙත පැමිණි ‘කොණ්ඩ රංජි’ අපරාධ පරීක්ෂණ දෙපාර්තමේන්තු නිලධාරීන් විසින් අත්අඩංගුවට ගෙන තිබෙනවා.
