රාජාංගනය පොලිස් වසමේ යාය 15 ප්‍රදේශයේ දී තියුණු ආයුධයකින් හා පොලුවලින් පහරදී පුද්ගලයෙක් ඝාතනය කර තිබෙනවා.
ඊයේ (07) පෙරවරුවේ මෙම ඝාතනය සිදුව ඇති අතර, ඝාතනයට ලක්වූ පුද්ගලයා වයස අවුරුදු 51ක සාලියපුර ප්‍රදේශයේ පදිංචිකරුවෙක්.
මෙම පුද්ගලයා තවත් පාර්ශ්වයක් අතර ඉඩම් ආරවුලක් හේතුවෙන් ඇති වූ බහින් බස්වීමක් දුර දිග යාමෙන් මෙම ඝාතනය සිදුකර ඇති බවට දැනට සිදුකරන ලද විමර්ශනයේ දී අනාවරණය වී තිබෙනවා.
ඝාතනයට සම්බන්ධ අවුරුදු 20ත් 55ත් අතර වයස්වල පසුවන සැකකරුවන් හයදෙනෙකු හා සැකකාරියක් අත්අඩංගුවට ගෙන ඇති බවයි පොලිසිය සඳහන් කළේ.
රාජාංගනය පොලිසිය විසින් සිද්ධිය සම්බන්ධයෙන් වැඩිදුර විමර්ශන සිදුකරනු ලබනවා.
