25 හැවිරිදි වොයේ පසුවූ පෙර පාසල් ගුරුවරියක් ගෙළ කපා ඝාතනය කළ සිදුවීමක් අද (07) පේරාදෙණිය, ඉළුක්වත්ත ප්රදේශයෙන් වාර්තා වුණා.
ඇයගේ ඝාතනය සම්බන්ධයෙන් තොරතුරු කිහිපයක් මේ වනවිට අනාවරණය වී තිබෙනවා.
මෙම අපරාධය සම්බන්ධයෙන් පේරාදෙණිය පොලිසිය පරීක්ෂණ ආරම්භකර ඇති බවයි තොරතුරු වාර්තා වුණේ.
ඇය අද (07) උදෑසන පෙර පාසලේ පැවැත්වීමට සූදානම් කර තිබූ අලුත් අවුරුදු උත්සවයට සහභාගි වීම සඳහා යමින් සිටිය දී මෙලෙස ඝාතනයට ලක්ව ඇති බවයි හෙළිවුණේ.
ගිනිහේන සුසාන භූමිය අසළ දී කිසියම් අයෙකු විසින් ඇයගේ ගෙළ කපා තිබෙන බවත්, ඉන්පසු ඇය තමන්ව බේරා ගන්න ලෙස පවසමින් ඉන් මීටර්100ක් පමණ දුරකින් පිහිටි සිය නැන්දාගේ නිවස වෙත දිවගොස් ඇති බවයි පොලිසිය සඳහන් කළේ.
ගුරුවරිය නිවසේ සිට පෙර පාසලට යන අතර තුර දුරකථනයෙන් කිසිවෙකු සමඟ කතා කරමින් ගොස් ඇති බවට තොරතුරු අනාවරණය වී තිබෙනවා.
ඒ අනුව ඇයගේ ජංගම දුරකථනයෙන් ලබාගන්නා දත්ත ඔස්සේ සිද්ධිය සම්ම්බන්ධයෙන් ඉරිදී විමර්ශන ආරම්භ කරන බවයි පොලිසිය වැඩිදුරටත් සඳහන් කළේ.
මෙය ප්රේම සම්බන්ධතාවක් මුල්කර ගනිමින් සිදුවූ ඝානතනයක් ද යන්න සම්බන්ධයෙන් සැකයක් පවතින බවයි පොලිසිය පැවසුවේ.
මෙලෙස ඝාතනයට ලක්ව ඇත්තේ මුරුතලාව ප්රදේශයේ පදිංචිව සිටි අංජලී චාපා සෙනෙවිරත්න නැමැති තරුණියක්.
