හිටපු පොලිස්පති සී.ඩී. වික්‍රමරත්න සියදිවි හානි කරගත් නිවස පරීක්ෂා කිරීම සඳහා අධිකරණ වෛද්‍ය නිලධාරීවරයා පැමිණ තිබෙනවා.
මාලඹේ, තලාහේන ප්‍රදේශයේ පිහිටි ඔහුගේ නිවසේ දී අද (17) උදෑසන හිටපු පොලිස්පතිවරයා වෙඩිතබාගෙන සියදිවි හානි කගෙන ඇති බවයි වාර්තා වුණේ.
වෙඩිවැදීමෙන් අනතුරුව ඔහු අද (17) උදෑසන මුල්ලේරියාව රෝහලට රැගෙන ගොස් ඇති අතර, ඒ වනවිට ඔහු මියගොස් සිටි බව රෝහල් ආරංචි මාර්ග සඳහන් කළේ.
මේ අතර පොලිස්පති සී.ඩී. වික්‍රමරත්නගේ මරණය සම්බන්ධයෙන් විමර්ශනය කිරීම සඳහා පොලිස් කණ්ඩායම් දෙකක් පත් කර ඇති බව පොලිසිය පැවසුවේ.
2019 අප්‍රේල් 21 පාස්කු පාස්කු ප්‍රහාරයෙන් අනතුරුව, එවකට පොලිස්පතිවරයා වූ පූජිත් ජයසුන්දර අනිවාර්ය නිවාඩු යැවීමත් සමඟ සී.ඩී. වික්‍රමරත්න වැඩබලන පොලිස්පතිවරයා ලෙස පත් කෙරුණා.
ඔහු වසර එකහමාරකට වැඩි කාලයක් වැඩබලන පොලිස්පති ධුරයේ කටයුතු කළ අතර, 2020 නොවැම්බර් 27 වැනිදා ශ්‍රී ලංකාවේ 35 වැනි පොලිස්පතිවරයා ලෙස නිල වශයෙන් පත් වූ ඔහු, 2023 නොවැම්බර් 23 දක්වා එම ධුරයේ කටයුතු කළා.
