කාත්තන්කුඩිය සිට කොළඹ බලා ධාවනය වූ පෞද්ගලික බස් රථයක් අද (20) අලුයම අනතුරට ලක්ව එහි ගමන් ගත් 14 දෙනෙකු තුවාල ලබා රෝහල් ගත කළා.
සේරුනුවර – කන්තලේ මාර්ගයේ සේරුනුවර, කල්ලාර් යුද හමුදා කඳවුර ඉදිරිපිට වංගුව අසල දී මෙම මගී ප්‍රවාහන බස් රථයක් අනතුරට ලක්ව තිබුණා.
මෙම බස් රථය නියමිත ගමන් මාර්ගයේ ධාවනය නොකර වෙනත් විකල්ප මාර්ගයක ධාවනය කරමින් තිබිය දී මෙලෙස අනතුරට ලක්ව ඇති බවයි අනාවරණය වී ඇත්තේ.
බස් රථය ගමන් කළ යුතු නියමිත මාර්ගය ගංවතුරත් සමඟ ජලයට යටවී තිබීම හේතුවෙනුයි එහි රියදුරු වෙනත් විකල්ප මාර්ගයක රථය ධාවනය කර ඇත්තේ.
අනතුර සිදුවන අවස්ථවේ එහි 45 දෙනෙකු පමණ ගමන් කරමින් සිට ඇති අතර, අනතුරින් බස් රථයේ රියදුරු, කොන්දොස්තර ඇතුළු 14 දෙනෙක් තුවාල ලබා ඇතුළත් කෙරුනේ සේරුනුවර රෝහලටයි.
ඉන් නවදෙනෙක් වැඩිදුර ප්‍රතිකාර සඳහා ත්‍රිකුණාමලය රෝහලට මාරුකර යැවීමටයි පසුව කටයුතු කර තිබුණේ.
පවතින අධික වර්ෂාව හේතුවෙන් බස් රථය මාර්ගයෙන් ඉවතට පැන මාර්ගය අසල තිබූ ගසක ගැටී මාර්ගයෙන් ඉවතට පෙරළී ගොස් මෙම අනතුර සිදුව ඇති බවයි පොලීසිය සඳහන් කළේ.
සේරුනුවර පොලිස් වසමේ සේරුනුවර – කන්තලේ මාර්ගයේ සේරුනුවර, කල්ලාර් යුද හමුදා කඳවුර ඉදිරිපිට වංගුව අසලදී මගී ප්‍රවාහන බස් රථයක් අනතුරට ලක්ව තිබෙනවා.
කාත්තන්කුඩිය දෙස සිට කොළඹ දෙසට ධාවනය වූ බස් රථයක් මෙලෙස අනතුරට ලක්ව ඇති බවයි වාර්තා වුණේ.
