දිවයින පුරා විදුලි සැපයුම බිඳ වැටීම සම්බන්ධයෙන් පුළුල් විමර්ශනයක් ක්‍රියාත්මක වන බව බලශක්ති අමාත්‍යංශය සඳහන් කරනවා.
මේ අතර විදුලි සැපයුම 60% කින් පමණ යථා තත්ත්වයට පත් කර ඇති බවයි එම අමාත්‍යාංශය සඳහන් කර සිටියේ.
පානදුර විදුලි උපපොළේ ට්‍රාන්ස්ෆෝමරයකට වඳුරෙකු පැනීම නිසා ඇති වූ තත්ත්වයක් හේතුවෙන් මෙලෙස දිවයින පුරා මෙම විදුලි බිඳ වැටීම සිදු වූ බවයි විෂය භාර අමාත්‍ය ඉංජිනේරු කුමාර ජයකොඩි සඳහන් කළේ.
එම විදුලි උපපොළේ සිදු වූ හානිය විදුලි සේවකයින් විසින් මේ වනවිට සකසමින් පවතින බවයි තොරතුරු වාර්තා වුණේ.
මේ අතර එහි ආරක්ෂක අංශයේ සේවකයෙක් සඳහන් කළේ අද දිනයේ දී ට්‍රාන්ස්ෆෝමරයකට වඳුරෙකු පැනීමක් පිළිබඳව වාරතා නොවූ බවයි.
පොරව chief engineer කරපන්…