මනම්පිටිය – කොතලිය පාලම මතින් බස් රථයක් පෙරළී අද (09) පස්වරුවේ සිදු වූ අනතුරින් පුද්ගලයින් 09 දෙනෙකුට ආසන්න සංඛ්යාවක් මියගොස් ඇති බව වාර්තා වනවා.
කඳුරුවෙල සිට අක්කරෙයිපත්තුව දක්වා ධාවනය වූ පෞද්ගලික බස් රථයක් මෙලෙස අනතුරට ලක්ව තිබෙනවා.
තුවාලකරුවන් මනම්පිටිය සහ පොළොන්නරුව යන රෝහල් වෙත ඇතුළත් කර ඇති අතර, මනම්පිටිය රෝහලට ඇතුළත් කළ තුවාලකරුවන් සිව්දෙනෙකුගෙන් තිදෙනෙක් පොළොන්නරුව මහ රෝහලට මාරුකර යවා ඇති බවයි වාර්තා වන්නේ.
මනම්පිටිය රෝහලට ඇතුළත් කළ තුවාලකරුවන් සිව්දෙනාගෙන් එක් අයෙක් මියගොස් සිටි බවයි රෝහල් ආරංචි මාර්ගය පැවසුවේ.
එමෙන්ම තුවාලකරුවන් 20කට ආසන්න සංඛ්යාවක් පොළොන්නරුව මහ රෝහලට ඇතුළත්කර තිබෙනවා.
