කැළණිය, දිප්පිටිගොඩ ප්රදේශයේ අද (25) පස්වරුවේ සිදු වූ වෙඩි තැබීමකින් පුද්ගලයින් තිදෙනෙකු තුවාල ලබා රෝහල් ගත කළා.
යතුරුපැදියකින් පැමිණි නාඳුනන තුවක්කුකරුවන් දෙදෙනෙකු විසින් මෙම වෙඩි තැබීම සිදුකර පළාගොස් ඇති බවයි වාර්තා වුණේ.
මෙලෙස වෙඩි ප්රහාරයට ලක්ව ඇත්තේ දිප්පිටිගොඩ ප්රාථමික විද්යාලය අසල මාර්ගයක සිටි තිදෙනෙක් වන අතර, ඔවුන් අපරාධ කල්ලි සාමාජිකයා ‘දිප්පිටිගොඩ ළහිරු’ නැමැත්තාගේ කණ්ඩායමේ පිරිසක් බවට පොලීසිය අනාවරණය කරගෙන තිබෙනවා.
වෙඩිතැබීම සිදුකර ඇත්තේ ‘කඩවත කල්ප’ නැමැති අපරාධ කල්ලි සාමාජිකයාගේ කණ්ඩායම විසින් බවයි හෙළිව ඇත්තේ.
මෙම වෙඩි තැබීම සඳහා ටී 56 වර්ගයේ ගිනිඅවියක් භාවිත කර ඇති බවයි පොලීසිය පවසන්නේ.
දෙපාර්ශ්වය අතර කලක සිට පවතින ආරවුලක් මෙම වෙඩි තැබීමට හේතු වී ඇති බව මූලික විමර්ශනවල දී අනාවරණ වී තිබෙනවා.
