ව්යාපාරික සුරේන්ද්ර වසන්ත හෙවත් ක්ලබ් වසන්ත නැමැත්තා ඇතුළු තවත් පුද්ගලයෙක් වෙඩි තබා ඝාතනය කළ සිද්ධියේ සැකකරුවන් දෙදෙනෙක් අද (23) අත්අඩංගුවට ගනු ලැබුවා.
මෙලෙස අත්අඩංගුවට ගැනුණු සැකකරුවන් දෙදෙනා අතර වෙඩි තැබීමට පැමිණි එක් වෙඩික්කරුවෙක් සිටින බවයි පොලිසිය තහවුරු කළේ.
දෙහිවල පොලිස් වසමේ කවුඩාන ප්රදේශයේ දී අත්අඩංගුවට ගැනුණු මෙම සැකකරු පැටී අරඹගේ අජිත් රෝහණ නැමැති 31 හැවිරිදි වියේ පසුවන අයෙක් බවයි වාර්තා වන්නේ.
මේ අතර අතුරුගිරිය ප්රදේශයෙන් නිවසක් කුලියට ගැනීම සහ වෙඩික්කරුවන් බස් රථයකින් කතරගම දක්වා රැගෙන ගිය පුද්ගලයා ද අත්අඩංගුවට ගෙන ඇති බවයි පොලිසිය පැවසුවේ.
මෙම සැකකරු වරුණ ඉන්දික ද සිල්වා නැමැති වයස අවුරුදු 29ක පුද්ගලයෙක්.
අපරාධ විමර්ශන දෙපාර්තමේන්තුව භාර නියෝජ්ය පොලිස්පති රොහාන් ප්රේමරත්නගේ මෙහෙයවීම මත ත්රස්ත විමර්ශන කොට්ඨාසය විසින් මෙම සැකකරුවන් අත්අඩංගුවට ගෙන තිබෙනවා.
සැකකරුව සමඟ ටී-56 වර්ගයේ ගිනි අවියක් සහ උණ්ඩ 120ක්, මිලිමීටර් 09 වර්ගයේ පිස්තෝල උණ්ඩ තොගයක් සොයා ගැනීමට හැකිව තිබෙනවා.
